Застрашувачка аудио снимка од судирот на двата воза во Чешка: Несреќата снимена од надзорните камери во близина

Детали

четврток, 06 јуни 2024

Надзорните камери во близина го снимија звукот од моментот кога два воза се судрија во Чешка и навистина звучи морничаво. На социјалните мрежи се споделуваат застрашувачки фотографии од несреќата во која животот го загубија најмалку 4 лица.

Според првичните информации, околу 4 лица загинаа, а повеќемина се повредени откако патнички и товарен воз се судрија во Чешка, во Падрубице.

Според официјалните информации објавени во чешките медиуми, несреќата се случила во средата (05.06) во 23.00 часот, а во неа животот го загубиле 4 лица, додека 27 биле повредени и пренесени во болница.

Патничкиот воз во моментот на несреќата сообраќал од Прага, кон Кошици во Словачка, а во него и во товарниот воз имало вкупно 300 лица.

Железничките пруги беа затворени околу 9 часа, а веднаш по несреќата на местото дошле екипи на полицијата, противпожарните служби и брзата помош.

Машиновозачите и на двата воза преживеале. Едниот од нив со полесни повреди бил пренесен во болница, а другиот нема повреди.

Засега не се знаат причините за несреќата, но од фотографиите и видеата што се објавуваат се гледа дека дошло до директен судир на двата воза.

На социјалните мрежи е објавено видео од надзорни камери во близина на кои може да се слушне страшниот удар во моментот кога се судриле двата воза (на 00: 43).

https://www.facebook.com/100005774078515/videos/472353325184349/

Погледнете уште неколку видеа од евакуацијата на патниците:

Б. С. Б. | Црнобело