Македонија е на 84-то место: Кои се најсреќните, а кои „најмизерните“ држави во 2024-та?

Детали

среда, 20 март 2024

Македонија е на подобра позиција од лани, додека Финска, очекувано, повторно е на врвот – кои се најсреќните земји според официјалниот извештај на Обединетите Нации?

Секоја година, од Обединетите Нации изготвуваат извештај кој се фокусира на задоволството и среќата на жителите на земјите ширум светот.

Извештајот за 2024-та е објавен денес (20.03), а покажува дека кај Македонија има подобрување.

12-та година по ред, извештајот се изработува врз основа на анкети, во кои луѓето одговараат прашања поврзани со квалитетот на животот во нивната држава, а се земаат предвид и економски и социјални фактори, како животни трошоци, слобода на говор и слично.

Државите добиваат оценка од нула до десет, а оценките за 2024-та се всушност просек од анкетите направени во претходните три години, односно во периодот 2021-2023.

Најсреќната земја, Финска, има 7,741 поени, додека Авганистан, која е на дното, има само 1,721 поени.

Годинава, Македонија се наоѓа на 84-то место од 143 држави, што е мало подобрување за разлика од лани, кога се наоѓаше на 87-то место.

Вo извештајот, Македонија има оценка 5.369.

Од соседните држави, високо котираат Косово (29-тo место), како и Србија (37-мо место).

Грција го зазема 64-тото место, Бугарија e на 81-во, додека Албанија – 87-мо место.

10-те најсреќни држави, почнувајќи од најсреќната:

• Финска
• Данска
• Исланд
• Шведска
• Израел
• Холандија
• Норвешка
• Луксембург
• Швајцарија
• Австралија

10-те најнесреќни држави, почнувајќи од последната:

• Авганистан
• Либан
• Лесото
• Сиера Леоне
• Конго
• Зимбабве
• Боцвана
• Малави
• Есватини
• Замбија
• Јемен

Целиот извештај можете да го погледнете ТУКА.

Спирова С. | Црнобело

фото: depositphotos.com