„Браво, ова е одраз на добро воспитување“: Девојче делеше бонбони на градежни работници и стана хит на социјалните мрежи

Детали

понеделник, 19 февруари 2024

„Ова девојче е одраз на вистинско воспитание“ – стои во дел од коментарите на видео на кое се гледа како едно мало девојче од својата торбичка им дели бонбони на работниците кои се зафатени со градежни работи на улица.

Колку често им обрнувате внимание на работниците кои и на студ и на екстремно високи температури со часови работат на отворено?

Видео со љубезноста на едно мало девојче стана хит на социјалните мрежи.

Таа покажа дека и најмалиот гест и чин на љубезност може некому да му го разубави денот и дека некогаш не е потребно да дадете премногу, туку само едно бонбонче за некого да го израдувате.

На ТикТок се споделува видеото на кое едно мало девојче од својата торбичка вади бонбони и трпеливо чека работниците да завршат со работа за да ги почести, а тие љубезно ги вадат ракавиците од рацете за да го земат подарокот.

Коментарите на социјалната мрежа се позитивни и речиси сите се сложни дека ова девојче е одраз на добро воспитување.

„Колку е прекрасно да ги научите децата на љубезност и на дарување“;

„Умно девојче“;

„Ова е детска, чиста љубов“;

„Ова што го гледате е одраз на вистинско воспитание“ – стои во дел од коментарите.

Погледнете го видеото:

https://www.tiktok.com/@baby.cute.2279/video/7334572380532100385

Б. С. Б. | Црнобело