Повторно горди! Русинка лизгаше на Proud од Тамара на Европски шампионат во уметничко лизгање (видео)

Детали

петок, 12 јануари 2024

Евровизиската песна на Тамара, Proud, вчера (11.01) ечеше на Европското првенство во уметничко лизгање што се одржува во Литванија.

Руско-српската лизгачка Антонина Дубинина настапи на Европскиот шампионат во уметничко лизгање 2024 што се одржува во Каунас, Литванија, а изведе кореографија на песната Proud од Тамара Тодевска.

Таа настапи во кратката програма на женски сингл, а заврши на 31 место, со вкупен резултат 41.28.

Сепак, она што остави поголем впечаток беше тоа што ја избра евровизиската песна на нашата Тамара, Proud, која ечеше на лизгалиштето во Каунас.

Антонина е родена во Москва на 23 октомври 1996 година, а почнала да тренира уметничко лизгање на 5 години.

Таа има српско-руско потекло и настапува за Србија.

Досега еднаш се натпреварувала на Светското првенство во уметничко лизгање, во сезоната 2017/18, а шестпати учествувала на европските шампионати.

Таа 6 пати станала шампион на Србија во уметничко лизгање.

Настапот на Антонина почнува на 1:09:20

А. Ј. | Црнобело