Девојка останала без заби на 24 години поради проблеми со здравјето - сега доби нови и живее „втор“ живот

Детали

четврток, 21 септември 2023

Поради реакција од лекови против болка, Натали од Канада почнала да повраќа многу често. Ова траело неколку месеци, поради што нејзините заби почнале да се расипуваат и да се кршат. Единствена опција била да ги извади, но немала доволно пари за квалитетна вештачка вилица. Сега, благодарение на донации од хумани луѓе, Натали конечно добила нови заби.

Вештачките вилици се нешто што нè асоцира на многу повозрасни луѓе. Но, некогаш и мошне млади лица се присилени да носат вештачки вилици.

Во таква ситуација била и 24-годишната Натали Лакас.

Натали, која живее во Ванкувер, Канада, носела вештачки вилици уште од 19-годишна возраст.

Таа имала проблем со здравјето поради кој постојано повраќала. Од ова, пак, нејзините заби почнале да се расипуваат и кршат, за на крај да мора да ги извади сите.

Фактот што ги изгубила забите на толку рана возраст имало ужасно влијание врз самодовербата на Натали. Но, сега конечно добила трајни вештачки заби, благодарение на донации.

„Ме чека уште долг пат, но по толку долг период без заби, конечно имам насмевка. Сè ми изгледа надреално. Чудно е! Посебно моментот кога првпат ги видов резултатите и се видов со заби.

Додека ја гледав мојата нова насмевка, се почувствував многу самоуверено.

Низ годините потиснував многу емоции. Првата година кога носев вештачка вилица бев во депресија и плачев секој ден.

Не сфатив колку сум страдала додека не ја видов мојата нова насмевка“, вели среќната девојка.

Проблемите на Натали почнале на 18-годишна возраст, кога доживеала мала сообраќајка. Бидејќи имала некои повреди, лекарите ѝ препишале лекови против болка.

Токму овие лекови ѝ предизвикале сериозни проблеми со желудникот, поради што Натали постојано повраќала, и тоа со месеци.

Од киселината, нејзините заби почнале да слабеат и да се расипуваат.

„Во еден период, повраќањето беше толку често, што со мене постојано носев паста и четка за заби за да можам да се измијам“.

Натали ја доживеала сообраќајката во февруари 2017-та, а до крајот на летото истата година, почнала да повраќа и крв.

„Тогаш сфатив дека повеќе не можам да се кријам, па откривме дека состојбата на желудникот ми е многу полоша. Имав и рана на хранопроводот бидејќи повраќав многу. За да ме излечат, ми дадоа 18 различни лекови“.

Продолжува на следната страница...