Сите детали за трагичната смрт на двајцата тинејџери во Грција, која го потресе регионот

„Ендру беше најден на пат помеѓу пристаништето и градот. Изгледа дека паднал. Макс беше најден многу блиску до местото во коешто отседнувал.

Слушнавме дека имал историја со проблеми со срцето, но одговорите ќе ни ги дадат аутопсиите. Причината за двете трагедии ќе стане јасна откако ќе бидат направени аутопсии“, изјави грчки полицаец кој работи на случајот.

Друг полицаец вели дека Макс бил многу потресен кога слушнал за смртта на Ендру.

„Макс изгуби свест кога слушна што се случило. Сите ја зборуваат вистината, дека овој инцидент е како грчка трагедија. Целиот остров е во шок.

Макс само колабира и умре. Беше однесен во локалната болница и беше прогласен за мртов“.

Во истрагата се вклучија и детективи од Ирска кои потврдија дека Макс имал проблеми со срцето.

За трагедијата се огласи и директорот на училиштето во коешто учеле момчињата.

„Ендру паднал. Ако одел метро или две понастрана, можеби немало да падне. Ова е огромна трагедија. Сите сме трауматизирани. Овие две момчиња можеа да остават голем белег во светот.

Беа прекрасни млади момчиња. Одлични рагбисти, а Ендру играше и фудбал. Требаше да го слават нивниот успех, но наместо тоа нивните родители се на брод со две кутии во кои стојат нивните тела“.

Денес (05.07) се очекува и другите ученици од училиштето да се вратат во Ирска, каде што ќе се одржи меморијална служба во чест на починатите момчиња.

„Беа многу популарни и на нивните ковчези беа ставени илјада жолти рози пред да бидат ставени на бродот со нивните семејства. Учениците останаа на пристаништето на Иос додека бродот не им се изгуби од видик“, додава директорот.

Спирова С. | Црнобело