Ќе се живее во куќи од пластични шишиња

Детали

вторник, 15 ноември 2011

Иако до крајот на изградбата има уште доста време, ова градилиште веќе стана локална атракција која редовно ја посетуваат туристи, а доаѓаат...

...и функционери од нигеријската влада. Никој не може да се увери дека недостигот на станбен простор би можел да се реши на овој чуден начин.

Овие 25 згради кои ги има купено грчки бизнисмен, ќе станат комплекс на еколошки куќи наменети за издавање на локалното население. За подигнување на секоја куќа во која има по една спална и дневна соба, купатило, кујна и тоалет, употребени се околу 7.800 пластични шишиња.

Технологијата на градење е многу проста – работници ги празнат шишињата, ги полнат со песок, ги затвораат и ги „ѕидаат“ во кружна форма, традиционална за северниот дел на Нигерија. Наместо малтер употребуваат раствор од глина кој се суши на сонце.

Според оценката на експертите во Одделението за развој на обновливи извори на енергија, изградбата на овие еколошки куќи чини три пати помалку од изградба на куќи од бетон и цигли, а од шишиња исполнети со песок може да се направат дури и трикатници.

Од друга страна, во овие куќи никогаш не може да биде претопло, песокот ги штити станарите од високи надворешни температури.