Новак Ѓоковиќ и Серена Вилијамс по третпат прогласени за светски најдобри спортисти во Берлин

Детали

вторник, 19 април 2016

Новак Ѓоковиќ и Серена Вилијамс се тениското дуо кое ги освои наградите „Laureus“ спортист и спортистка на годината во Берлин.

На гламурозната церемонија во германскиот главен град, каде презентер на наградите беше американскиот актер Бил Мари, Ѓоковиќ и Вилијамс беа прогласени на светски најдобри спортисти по третпат.

Ѓоковиќ оваа награда претходно ја имаше освоено во 2012-та година и минатата година, а Вилијамс во 2003-та година и пред 6 години.

Двајцата играчи победија на три од четирите Гренд Слем натпревари во 2015-та година.

Ѓоковиќ се најде на врвот на листата на светски најдобри спортисти, пред фудбалерот Лионел Меси и светскиот рекордер Јусејн Болт.

Congratulations to @DjokerNole, your Laureus World Sportsman of the Year! #LWSA16 pic.twitter.com/6ABX5MhKXi

— Laureus (@LaureusSport) April 18, 2016

Во женската категорија, Вилијамс ја освои наградата пред фудбалерката Карли Лојд и јамајканската атлетичарка Шели-Ен Фрејзер-Прајс.

• 
• 
• 
• 
• 
• 
• 
•  

Н. Г. | Црнобело