Федерер на ручек со Ливерпул

Детали

четврток, 16 јули 2009

Фудбалерите на Ливерпул биле на сред ручек, уморни од утринскиот тренинг на припремите во Швајцарија. Во еден момент се отворила вратата на...

 

...хотелскиот ресторан и во просторијата влегол Роџер Федерер.

“Извинете ако пречам, дечки, знам дека ви го прекинувам ручекот“ - се извинил еден од најдобрите тенисери во историјата.

Никој не му замерил, напротив. Веднаш започнале да се фотографираат и да се поздравуваат.

“Се сеќавате ли на 2002 година? Одигравте 3-3 со моите “Базел“ и заради тоа излеговте од Лигата на шампиони“ - ги пецнал Федерер оние кои уште тогаш го носеле дресот на Ливерпул.

На крајот на дружењето капитенот Стивен Џерард му предаде мајца на Федерер со бројот 15.

Алузијата е јасна - бројот 15 е еднаков на бројот на Гренд Слем титули освоени во кариерата на Федерер.