Браво! Македонка се закити со бронзен медал на Светското првенство во бодибилдинг во Токио

Детали

четврток, 19 декември 2024

„Покрај сите животни предизвици, повреда на рамото и тоа што годинава ми беше невиден ролеркостер, и многупати се прашував дали сум на правиот пат, откажување и кукање никогаш не беа опција“, порача Катерина Попева пред помалку од 2 месеци, а сега повторно нè направи горди.

Катерина Попева освои трето место на Светското првенство IFBB (International Fitness and Bodybuilding Federation) 2024 – Сениори кое се одржа во Токио Јапонија.

Светското првенство во Токио започна од 16-ти декември и трае до денес (19 декември).

На нејзиниот Инстаграм профил осамна фотографија со трофејот оттаму.

Ова не е првпат Катерина да нè направи горди пред светот.

Таа има многу натпревари и медали зад себе, а последно во низата беа две бронзени медали од Светскиот Куп во Санта Сузана на почетокот од месец ноември.

Во таа пригода Катерина на Инстаграм објави:

„Покрај сите животни предизвици, повреда на рамото и тоа што годинава ми беше невиден ролеркостер, и многупати се прашував себеси дали сум на правиот пат, откажување и кукање никогаш не беа опција.

Секој труд на крајот дава плод. Се исплатеа сите непроспиени ноќи, глад, умор и секоја капка пот.

Никогаш да не се откажувате без разлика со каков предизвик и да се соочувате. Ништо не е перманентно, па ни маката, ни тешкотијата.

Сè поминува, но трудот и заслугата секогаш остануваат за да нè потсетуваат дека буквално сè е возможно, дури ни кога не верувате во себе и се чувствувате како да сакате да се откажете.

Повторно топ 3 на Светскиот куп во Санта Сузана. Благодарна до небо на можноста да стојам на оваа сцена.

Ви благодарам на сите за поддршката, честитките и што неуморно ме пратите“.

Тогаш Катерина порача и: „Се надевам ќе ве направам повторно горди. Следен предизвик Светско во Токио“ и навистина нè направи горди и во Токио. Честитки!

Kaтерина во Токио:

Повеќе фотографии од неа на следната страница...