„Македонија ова е за тебе!“ – Иџе ја посвети победата на Европскиот шампионат на татковината

Детали

понеделник, 16 септември 2024

„Овој успех не е само мој, туку на цела Македонија!“ – порача Игор Стефановски Иџе по победата на Европскиот шампионат на ридски патеки во групата 1.

Нашиот автомобилист Игор Стефановски – Иџе од Хрватска се враќа со нова награда.

Тој на последната трка на Европскиот шампионат во ридско планински трки го освои првото место во групата 1, а на социјалните мрежи нагласи дека оваа победа ја посветува на татковината.

„Македонија, ова е за тебе! Победник во Европскиот шампионат на ридски патеки во Група 1!

Овој успех не е само мој, туку на цела Македонија!

Благодарност до сите кои беа со мене низ овој пат, до мојот неверојатен тим, тимот на Ферари, до моите спонзори и до сите вас кои ни давате безрезервна поддршка во сето ова“ – порача Иџе.

Инаку, трката од Европскиот шампионат се одржа викендов (15.09) во Бузет, Хрватска, а Иџе на Инстаграм Стори сподели повеќе фотографии од автомобилот Ферари со којшто се натпреваруваше.

За потсетување, Иџе за првпат го освои Европскиот шампионат во 2014-та година.

Погледнете повеќе фотки во продолжение:

Б. С. Б. | Црнобело