Страда од депресија и анксиозност, почнал како гимнастичар: Кој е најбрзиот човек на планетата, Ноа Лајлс?
- Детали
- сабота, 10 август 2024
„Имам астма, алергии, дислексија, пореметување поради недостаток на внимание (ADD), анксиозност и депресија. Но, тоа не треба да ве дефинира“, вели најбрзиот човек на светот, Ноа Лајлс.
Ноа Лајлс и официјално е најбрзиот човек на светот.
Тој освои злато на 100m на Олимпијадата во Париз, со време 9:79, што е за 0.005 секунди подобро од времето на Кишан Томпсон од Јамајка.
Лајлс се разочара кога освои бронза на 200m, иако се бореше за златото, но по „слабиот“ настап беше откриено дека тој има Ковид и дека болеста влијаела на неговиот перформанс.
?After his bronze medal in the 200m, US Track and Field have confirmed Noah Lyles has Covid.#BBCOlympics #Olympics #Paris2024 pic.twitter.com/X878I5dPW9
— BBC Sport (@BBCSport) August 8, 2024
27-годишниот атлетичар со блескава кариера, кој е меѓу најсекси спортистите на Олимпијадата во Париз, сепак нема толку лесен и сјаен живот, како што делува на прва.
По победата на трката на 100m, тој на Твитер објави порака со која ја изненади јавноста, особено оние кои сега првпат го видоа младиот атлетичар и почнаа да навиваат за него.
„Имам астма, алергии, дислексија, пореметување поради недостаток на внимание (ADD), анксиозност и депресија. Но, ќе ви кажам дека тоа што го имате не треба да го дефинира тоа што ќе станете“, напиша Лајлс.
Recently I decided to get on antidepressant medication. That was one of the best decisions I have made in a while. Since then I have been able to think with out the dark undertone in mind of nothing matters.
— Noah Lyles, OLY (@LylesNoah) August 2, 2020
Thank you God for mental Health 🙏🏾
Но, оние кои го следат долго време, знаат дека атлетичарот, кој е и шесткратен светски шампион, отворено зборува за психолошките и здравствени проблеми. Тој во време на короната призна дека страда од депресија и дека почнал да зема антидепресиви.
„Тоа беше една од најдобрите одлуки што ја донесов“, рече во интервју потоа Лајлс.
Што знаеме за олимпискиот шампион?
Роден е на 18 јули 1997 година на Флорида.
Има брат и сестра, Џозеф и Аби. Неговите родители се развеле кога бил мал, па татко му останал на Флорида, а тој со мајка му и братот и сестрата, почнал да живее во државата Вирџинија.
Првиот напад на астма го имал на 3 години, но лекарите му ја дијагностицирале болеста кога наполнил 5 години.
Астмата имала големо влијание врз неговиот живот - мајка му го реновирала домот за таму да има што е можно помалку предмети кои може да му предизвикаат напад, а му го сменила целосно и начинот на исхрана.
Неколкупати завршил во болница со силни напади, кашлање без престан кое траело со денови и ослабнат имунолошки систем.
Конечно, на 7 години ги извадил крајниците, што му го олеснило дишењето.
Продолжува на следната страница...
Би можело да ве интересира:
Препорачуваме
Најчитани неделава
