Мајкл Даглас (78) со поглед ѝ се воодушевува на својата гламурозна сопруга Кетрин Зита-Џонс (53)

Детали

петок, 17 февруари 2023

Ова е погледот на маж кој е вљубен во својата сопруга и на 78 години и ѝ се воодушевува по 22 години брак – Мајкл Даглас не ја пушта од раце и не може да ѝ се изнагледа на Кетрин Зита-Џонс која изгледа гламурозно на премиера на филм на нејзиниот сопруг.

Мајкл Даглас и Кетрин Зита-Џонс се еден од омилените парови во Холивуд, кои и покрај големата возрасна разлика, секогаш се инспиративни и изгледаат вљубено, каде и да се појават и по 22 години брак.

Овојпат тие дотерани од глава до пети се појавија на виолетовиот тепих на премиерата на Ant-Man And The Wasp: Quantumania во Лондон и ги привлекоа сите погледи кон себе.

53-годишната актерка мамеше воздишки во прекрасна сина тоалета, со раскошно деколте, а нејзиниот сопруг модно ѝ одговараше во тегет одело.

Мајкл, како вистински џентлмен, ја држи за рака својата сопруга, а во еден момент фотографите го уловија како не може да го тргне погледот од неа и се воодушевува на нејзиниот гламур.

Неговата реакција стана хит и доказ за тоа дека љубовта навистина може да трае вечно.

Повеќе фотки од парот на настанот:

M. M. | Црнобело