Џесика Симпсон критикувана за бизарната фотка на која уринира во природа: „Никој не мора да го види ова“

Детали

вторник, 14 февруари 2023

По бројните критики за изгледот, Џесика Симпсон повторно беше „нападната“ во коментари на Инстаграм, овојпат за бизарна фотка на која оди во тоалет за време на фотосесија - во природа. 

Џесика Симпсон го подели мислењето на јавноста со бизарната фотка што ја сподели на Инстаграм направена за време на пауза од фотосесија.

На фотографијата, 42-годишната пејачка стои наведната, а во описот појаснува дека всушснот оди во тоалет:

„Кога мора да одиш, мора да одиш. Живот на сет“.

Сепак, веднаш се соочи со критики во коментари.

Некои следбеници велат дека фотката им е забавна, но повеќето сметаат дека Џесика претерала:

„Извини, но никој не мора да го види ова. И не е смешно! Само бараш внимание“.

„Не мора сè да споделуваш онлајн…“

„Зошто воопшто се фотографираш? Да, сите сме биле во таква ситуација. И сигурна сум дека на сетот има многу тоалети“.

„Сите сме луѓе, но некои работи треба да се прават приватно, а не да се рекламираат. Не е смешно“.

Дел од следбениците ја поддржуваат, истакнувајќи дека Џесика отсекогаш била забавна личност и нема ништо лошо во тоа што покажала дека и таа е човек:

„Коментариве… Сè што јас гледам е наведната девојка која се смее. Опуштете се луѓе!“

Периодов пејачката е доста критикувана и за нејзината тежина.

Откако успеа да се ослободи од алкохолизмот, Џесика драстично ослабе, па на нејзините понови објави често има коментари од загрижени фанови.

На фотка споделена кратко пред Нова година, Џесика навистина изгледа преслабо, а дел од коментарите се фокусирани на тоа:

„Зарем не ве загрижува? Изгледа како да заменила една зависност со друга“.

„Изгледа преслабо и не го поставува најдобриот пример. Не можам ни да ѝ стиснам лајк бидејќи јасно е дека самата си наштетува“.

„Не станува збор за критика, туку навистина не изгледа здраво“.

Пејачката се нема огласено за бројните критики на скоро секоја нејзина фотографија, но претходно има изјавено дека се чувствува многу поздраво откако се ослободила од вишокот килограми.

Спирова С. | Црнобело