На 9 години ја вовлекла во скиентологијата, ѝ земала пари без нејзино знаење – Односот на Лиза Мари Присли и нејзината мајка

Соочена со проблемите на зависностите на Лиза Мари, Присила помошта ќе ја побара токму во скиентолошката црква.

На возраст од само 17 години Лиза Мари која веќе била зависничка од опојни супстанци и алкохол била однесена во центарот за рехабилитација на скиентолошката црква, каде го запознала својот прв сопруг Дани Кио.

Лиза Мари во 2014-та година конечно ќе излезе од црквата, а во една прилика јавно ја критикуваше скиентологијата. Таа во интервју со Тони Ортега го обвини лидерот на религијата Дејвид Мискевиџ дека сакал да го искористи нејзиното богатство.

„На 25 години го добив наследството и тие почнаа да ме подготвуваат да излезам и да собирам нови членови. Го мразам Том Круз, го запознав пред 20 години и реков дека никогаш не сакам повеќе да бидам во иста соба со него“ – рече таа.

Инаку, по својата смрт Елвис Присли оставил богатство од само 5 милиони долари, кое благодарение на Присила Присли до 1993-та година ќе успее да порасне на 100 милиони.

Денес, по својата смрт Лиза Мари Присли на своите 3 деца им остави солидни наследства во износ од по 30 милиони долари за секого, додека се претпоставува дека имотот и компанијата на Елвис Присли сѐ уште генерира милионски суми.

Дел од медиумите пишуваат дека Лиза Мари била во огромни долгови и дека за да ги исплати своите долгови морала предвреме да подигне една од своите полиси за животно осигурување во износ од 35 милиони долари.

Б. С. Б. | Црнобело