Дејвид Фостер има 1-годишен син на 73 години, а најстарата ќерка му има 52 години: „Поинаку е да се биде татко на син“
- Детали
- среда, 18 јануари 2023
Тој има пет ќерки на возраст од 36 до 52 години, но во 2021 година доби дете повторно и сега на 73 години е татко на 1-годишен син, со 38-годишната сопруга. Дејвид Фостер открива како изгледа родителството на оваа возраст...
Музичарот Дејвид Фостер уште се адаптира на предизвикот да расте мало дете на 73 години. Тој и сопругата, пејачката и актерка Кетрин Мекфи (38), го добија синот Рени во првата половина на 2021 година.
Инаку, Дејвид има 5 ќерки од претходните врски и тоа на возраст од 52, 49, 41, 40 и 36 години.
„Имав само ќерки, сè додека не добив син и ги сакам моите ќерки безусловно, но малку е поинаку да се има син. Особено поради мојата возраст е поинаку.
Не е полошо или подобро, туку едноставно поинаку. Уште работам многу, уште ми се случуваат многу работи, но можеби времето ми е малку подрагоцено затоа што имам многу повеќе живот зад мене, отколку пред мене.“, вели Дејвид.
Тој стапи во брак со Кетрин во 2019 година.
Дејвид во својата завидна музичка кариера има дури 16 Греми награди.
Вели дека сака својата мудрост да му ја пренесе на синот.
„Мислам дека можам да го научам Рени многу работи, иако нема да бидам тука кога тој ќе има 50, 40 или дури и 30 години. Но, сметам дека можам да му понудам мудрост од мојот долг животен век на оваа планета и можеби тоа не е лошо. Барем така се надевам.“
„Кога бев млад не бев трпелив, мора да признаам. Бев арогантен и постојано во движење. Не очекував дека ќе добијам дете на оваа возраст, но воопшто не се каам.
Го обожавам секој ден и си размислувам како кога бев млад и имав деца работев деноноќно и не ги гледав. Сега е поинаку, минувам многу повеќе време со него. Откажувам дури и планови за да бидам со синот“, вели музичкиот могул.
Во една пригода неговата сопруга Кетрин за него напиша:
„Дејвид Фостер ме сака на начинот на кој само можев да сонувам да бидам сакана и тој ми го комплетираше животот со тоа што ме направи мајка. Го обожавам нашето мало семејство. И нашето големи семејство.
Ти никогаш не се жалиш за тоа како нашиот живот е малку поинаков откако добивме дете. Со тоа што го донесовме Рени на овој свет ми приреди неверојатна радост. За уште многу заеднички авантури. Те сакам до месечината и назад.“
Повеќе фотографии од парот на следната страна...
Би можело да ве интересира:
Препорачуваме
Најчитани неделава
