Клои Кардашијан имала итна операција за отстранување малиген тумор од лицето: „Наскоро ќе ви ја покажам лузната“

Детали

среда, 12 октомври 2022

Откако неколкупати беше забележана со фластер на лицето и предизвика низа шпекулации, Клои Кардашијан откри дека неодамна ѝ отстраниле малиген тумор од лицето. Ова не е првпат ријалити ѕвездата да има вакви проблеми со кожата, а го споделува искуството за да ги натера сите почесто да одат на преглед.

Во 2016-та, Клои Кардашијан откри дека во тинејџерските години имала малиген тумор на нејзиниот грб, по што ѝ направиле операција за отстранување.

Сега ријалити ѕвездата сподели дека била во иста ситуација – ѝ направиле итна операција за да ѝ отстранат тумор од лицето.

Клои го сподели искуството со неколку објави на Инстаграм Стори, откако неколкупати беше фотографирана со фластер на лицето и почнаа да се шират секакви шпекулации за нејзиното здравје.

„Видов бројни објави на Стори за фластерот на моето лице и некои од вас се прашуваат зошто го носам изминативе неколку недели“, пишува Клои во првата објава.

„Откако забележав мала испакнатина на моето лице и претпоставив дека е нешто мало како мозолче, решив да направам биопсија откако сфатив дека седум месеци не се повлекува“, стои во втората објава проследена со фотка од нејзиното лице.

„Дерматологот доктор Тес Маурисио го испита, а беше направена и втора биопсија од доктор Даниел Берузан бидејќи двајцата забележаа нешто што е ретко за некој на моја возраст.

Неколку дена подоцна ми кажаа дека ќе мора да ми направат итна операција за да ми го отстранат туморот од лицето“, вели Клои која додава дека веднаш се консултирала со еден од најдобрите хирурзи во Беверли Хилс.

„Благодарна сум што можам да ви кажам дека лекарот успеа да отстрани сè – сите резултати се добри и сега сум во процес на закрепнување. Па, тоа е тоа… Ќе продолжите да ме гледате со фластер и, кога ќе имам дозвола, веројатно ќе ја видите и лузната“.

Клои пробува да го извлече најдоброто од ситуацијата, па и се пошегува дека прави фластерот да изгледа навистина модерно.

На крај, таа им порача на фановите да водат грижа за лицето, споделувајќи го сличното искуство од пред неколку години.

„Ја споделувам оваа приказна со вас за да ве потсетам сите да одите на преглед, и тоа често. На 19 години имав меланом на грбот и исто така ми направија операција за отстранување. Па, склона сум кон меланоми.

Дури и оние кои не се, треба да се проверуваат цело време. Јас сум личност која секој ден носи крем со заштитен фактор, што значи никој не е имун на овие работи.

Ве молам сфатете го ова сериозно и редовно прегледувајте се сами и на лекар“.

Клои првпат прозборе за туморот што ѝ го отстраниле на 19-годишна возраст во 2016-та.

„Имав израсток на грбот што беше рак на кожата. Ми отстранија 20 сантиметри кожа. Дефинитивно беше болно бидејќи стануваше збор за многу кожа, но повеќето отстранувања не беа толку лоши.

Пред неколку години забележав бенка под моите гради. Веднаш пребарав онлајн и сфатив дека ако бенката расте и ја менува формата, треба да одите на лекар – па отидов. Ја извадија целата бенка и направија биопсија. За среќа, беше бенигна.

Неколкупати сум минувала низ овој процес и благодарна сум што повеќето израстоци не биле канцерогени. Сега сум особено внимателна со мојата кожа, телото и бенките и израстоците“.

Клои уште тогаш им порача на фановите на водат грижа за нивната кожа:

„Со години сум немала проблем, но сакав да го споделам моето искуство со вас за во случај да забележите нешто што не ви изгледа во ред, да преземете нешто и да се погрижите за вашето здравје“.

Спирова С. | Црнобело