Први фотки од најстарото дете на Илон Маск, откако си го промени полот во женски и се откажа од татко ѝ

Детали

петок, 23 септември 2022

Вивиен е најстарото дете на Илон Маск и неодамна не само што си го промени полот во женски, туку се откажа и од татко ѝ. Сега таа беше првпат забележана во јавност по големите животни промени.

Во јуни годинава, најстарото дете на Илон Маск одлучи да си го промени полот.

18-годишната Вивиен, која е родена како момче и беше позната како Егзавиер Маск, си ги промени и името и презимето бидејќи не сака да биде поврзувана со татко ѝ. 

Сега таа го користи името Вивиен Џена Вилсон, откако судот ѝ дозволи легално да се откаже од татко ѝ, но и легално да си го промени полот во женски.

Вивиен има брат близнак – Грифин – и тие се најстарите деца на милијардерот. Нивната мајка е Џастин Вилсон, па сега Вивиен го користи нејзиното презиме.

Неодамна Вивиен беше забележана во јавност првпат откако го промени полот.

Иако Илон Маск самиот има споделено фотки од неговите најмали деца, вистинска реткост е да ги видиме постарите.

Вивиен одеше на шопинг, во лежерно издание со панталони и маичка, а носеше и заштитна маска.

Интересно е што кога заврши со купувањето, влезе во Tesla автомобил – марката автомобили што го направија татко ѝ милијардер.

Во автомобилот ја чекаше жена чиј идентитет е непознат, а наводно оттаму се упатиле кон куќата на мајката на Вивиен.

Илон Маск и мајката на Вивиен – Џастин – се разделија во 2008 година, а заедно имаат пет деца. Покрај близнаците Вивиен и Грифин, тие добија и тројка – Каи, Саксон и Дамијан.

Неколку години по разделбата, Џастин изјави дека морала да стави крај на врската бидејќи се чувствувала како „вработена“, а не „сопруга“ на милијардерот.

„Тој порасна во Јужна Африка со култура каде што доминираат мажите. Желбата да се натпреварува и да доминира која го направи успешен не исчезнуваше кога си доаѓаше дома.

Ова, заедно со економската нерамнотежа помеѓу нас, значеше дека по венчавката, почна да настанува одредена динамика во нашата врска. Зборот на Илон секогаш беше поважен од мојот, а тој постојано ми ги истакнуваше недостатоците.

Му велев дека сум му сопруга, а не вработена. Тој, пак, ми велеше дека ако сум му била вработена, ќе ме отпуштел од работа“.

Сепак, тогаш Џастин изјави дека не жали за бракот со Илон, бидејќи така ги добила децата.

„Иако не сум во контакт со Илон, кога станува збор за децата, разговарам со неговите асистенти. Не жалам за бракот. Секогаш ќе го почитувам како личност.

Исто така, не жалам за разводот. Јас и Илон имаме заедничко старателство. Сега ми е одлично и благодарна сум за сè“.

Засега не е познато зошто Вивиен одлучила да се откаже од татко ѝ, ниту е познато дали добива финансиска помош од него.

Повеќе фотки од Вивиен:

• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело