Најсреќниот пар во Холивуд на одмор во Грција: „Заедно сме 37 години затоа што никогаш не стапивме во брак“ (фото)

Детали

четврток, 16 јуни 2022

„Јас одлучив да останам во врска со него и Курт одлучи да остане со мене“ – Голди Хоун откри која е тајната за 37-годишната среќна врска со Курт Расел. Парот кој е во осмата деценија од животот е на одмор во Грција. Погледнете како изгледаат денес.

Голди Хоун (76) и Курт Расел (71) важат за најсреќниот пар во Холивуд, а деновиве беа фотографирани додека уживаа на одмор во Грција.

Голди и Курт се сончаа и уживаа на брод, што многумина ги потсети на култниот филм на актерската двојка од 1976-та година, Overboard.

Голди и Курт се запознале во 1966-та година кога за првпат заедно играле во 3 филмови, но романтичната врска ја започнале дури во 1983-та година кога заедно играле во филмовите Swing Shift и Overboard.

Тие заедно го имаат синот Вајат (35), а Курт ѝ помогна на Голди во одгледувањето на нејзините деца Кејт (42) и Оливер (45), од бракот со Бил Хадсон.

Годинава на Денот на вљубените (14.02) тие прославија 37 години заеднички живот. Интересно е тоа што иако важат за најсреќен пар во Холивуд, тие никогаш не стапиле во брак, а во една прилика Голди ја откри тајната за долгата врска.

„Одамна ќе бевме разведени ако стапевме во брак. Ако имате доволно пари и чувство на независност и секако доколку сакате да останете независни, постои нешто психолошко во тоа што не стапувате во брак затоа што ви дава слобода сами да носите одлуки.

Јас сакав да останам во врската, Курт одлучи да остане и ни се допаѓа тој избор“ – рече таа.

Погледнете повеќе фотографии од одморот на Курт и Голди во Грција:

• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело