Амбер Херд мета на критики кај македонските твитерџии: „Сега е време да ја земеме и така никој не ја сака“

Детали

петок, 06 мај 2022

„Тој беше врз мене и врескаше ‘те мразам, ми го уништи животот’“ – сведочи во солзи Амбер Херд за насилството што го претрпела за време на бракот со Џони Деп. Твитерџиите, пак, велат дека нејзината приказна е навреда за вистинските жртви на насилство и дека целата оваа драма е „нејзината најдобра глума во животот“. Кој е вашиот став?

Видно вознемирена и со солзи во очите, Амбер Херд сведочеше за сексуалното насилство што го трпела за време на бракот со Џони Деп, а одбраната на познатиот актер сведочењето го нарече најдобрата „глума во нејзиниот живот“.

Наводно нападот се случил во март 2015-та година во Австралија во нивниот изнајмен дом додека актерот работел на снимањето на филмот Pirates of the Caribbean 5.

Претходно Џони Деп тврдеше дека во истиот инцидент Амбер му го отсекла прстот со шише од алкохол, а Амбер вели дека тоа не се случило.

Парот наводно имал бурна расправија затоа што Џони бил љубоморен и ја обвинувал неговата тогашна сопруга дека имала афера со Еди Редмејн, колегата со кого играла во The Danish Girl.

Според Амбер, нејзиниот сопруг тогаш земал 8 до 10 таблети екстази, откако претходно и двајцата се договориле дека ќе престанат да земаат дроги.

Актерот разговарал со своите агенти, по што се вратил мошне вознемирен, почнал да ја притиска за вратот и да ѝ вели дека го предупредиле за неа, дека никој не ја сака и дека посакувал никогаш да не се оженел за неа.

Сведоштвото на Амбер: 

„Во еден момент тој беше врз мене и врескаше 'те мразам, ми го уништи животот'. Никогаш не сум била толку уплашена во мојот живот. Ме гледаше. Се обидов да го смирам, да сфати дека јас сум пред него.

Се обидував да продрам до него.

Ми ја удираше главата од шанкот и не можев да дишам. Се сеќавам дека се обидував да станам и да му кажам дека ме повредува.

Не можев да дишам. Не можев да станам. Следно што се сеќавам е дека ме легна на шанкот, гледав само во синото светло.

Лежев на шанкот. Мислев дека ме удира. Чувствував притисок во препонската коска и чувствував дека раката му се движи.

Изгледаше како да ме удира, а јас чувствував само притисок. Не се сеќавам што реков, само се сеќавам дека бев мошне мирна и не сакав да мрдам.

Се сеќавам дека гледав низ собата, во скршените шишиња, скршеното стакло и не сакав да се движам затоа што не знаев дали шишето со кое ме силуваше беше скршено. Не чувствував болка, не чувствував ништо“ – вели таа.

Amber Heard giving the performance of her life.

I’m honestly disgusted by her lying about sexual assault. #JusticeForJohnnyDeep #DeppVsHeard #DeppHeardTrial pic.twitter.com/dO5SiQ9JX9

— 🐉🐝🇵🇸 (@darksistahh) May 5, 2022

Продолжува на следната страна...