„Упс, пак згрешивме“ – Луисана Лопилато го покажа трудничкото стомаче - трите деца го бакнуваат
- Детали
- среда, 23 февруари 2022
Трите деца на „младата бунтовничка“ Луисана Лопилато и Мајкл Бубле со нетрпение очекуваат да го запознаат новиот член од семејството - гордата мајка објави нови фотки, на кои тие го бакнуваат нејзиниот стомак, со кои ги потврди вестите дека повторно е бремена.
Канадскиот пејач Мајкл Бубле вчера (22.02) го објави новиот спот за песната I’ll Never Not Love You, со кој на уникатен начин ја соопшти веста дека неговата сопруга е повторно бремена.
Во видео-спотот во кој Мајкл и Луисана рекреираат повеќе романтични сцени од познати филмови „Казабланка“, „Титаник“, „Храбро срце“ на крајот познатиот пар се појавува во реално издание каде се гледа како тие се во супермаркет, а актерката има труднички стомак.
Погледнете го новиот видео-спот на Мајкл Бубле:
Луисана Лопилато која кај нас е позната по улогата во латино-американската ТВ серија „Млади бунтовници“ по официјалното објавување на спотот, на својот Инстаграм профил објави две фотки со трудничкото стомаче.
„Упс, пак згрешивме“ – напиша таа до фотографиите.
На првата фотографија таа е заедно со нејзиниот сопруг со кого се запознаа во 2009-та година на снимањето на неговиот спот Haven’t Met You Yet, а се венчаа во 2011-та година.
Луисана и Мајкл заедно имаат три деца: Ноа (8), Елиас (6) и Вида (3), а на втората фотографија се гледа како тие го бакнуваат трудничкиот стомак на нивната мајка.
Инаку, Луисана и Мајкл беа мошне застапени во медиумите во 2016-та година кога на нивниот син Ноа на 3-годишна возраст му беше дијагностициран рак на црниот дроб.
Во 2017-та година парот ги доби среќните вести дека нивното дете е излекувано.
Погледнете повеќе фотографии од Луисана во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
