Парови кои важат за најдобро облечени во светот на шоубизнисот, дури и по разделбата

Можеби бракот на Бред Пит и Анџелина Џоли заврши бурно, но тие ќе останат запомнети како еден од најстилските парови. Со оваа складна комбинација, тие се појавија на EE British Academy Film Awards во 2014 година.

Фарел Вилијамс никогаш не разочарува со стајлингот на црвениот тепих, а изгледа уште подобро кога е заедно со сопругата Хелен. Овде парот позира на доделувањето на Оскарите во 2014-та.

Кога станува збор за мода, Ким Кардашијан и Канје Вест се највлијателниот пар и, пред да се разделат, речиси секогаш изгледаа беспрекорно на црвениот тепих. Фотографијата е направена на забавата по Оскарите во 2020 година.

Иако се попознати за бизарностите во нивната врска, мораме да признаеме дека Меган Фокс и Машин Ган Кели изгледаат одлично кога се заедно на некој настан. Всушност, тие доминираа на црвениот тепих во 2020 и 2021 година, без разлика за каква манифестација стануваше збор.

Истото може да се каже и за Кортни Кардашијан и Тревис Баркер кои дури и на папарацо фотките се со комбинации кои одлично се надополнуваат.

Ријана е модна икона со која не се споредува никој и знае како да ги износи дури и најбизарните парчиња облека. Одличен пример е необичниот фустан што го носеше на Мет галата во 2021-ва, а покрај неа, и Ејсеп Роки изгледаше добро со „јорганот“.

Спирова С. | Црнобело