Како Пријанка Чопра одговори на гласините за развод + факти за врската со 10 години помладиот сопруг
- Детали
- среда, 24 ноември 2021
По само два месеца забавување ја побарал за жена, се запознале на Твитер, во некои медиуми лажно ги разведуваат, но таа суптилно им покажа дека сè уште е лудо вљубена во својот сопруг. Факти за врската на Пријанка Чопра и Ник Џонас.
Што и да направат славните не поминува незабележано, па така кога Пријанка Чопра (39) го промени презимето на Инстаграм од Пријанка Чопра Џонас во Пријанка Чопра, светските таблоиди веднаш побрзаа со пишувањата дека актерката се разведува од својот сопруг Ник Џонас (29).
Дури и мајката на славната боливудска актерка се вклучи во коментарите па побара од луѓето да не пишуваат непроверени информации.
Сепак, набрзо по пишувањата во медиумите, Пријанка најде начин како суптилно да ги отфрли пишувањата во медиумите и да покаже дека сè уште е силно вљубена во својот сопруг.
На најновата објава на Ник на Инстаграм каде тој крева тегови, Пријанка накратко напиша: „Леле! Умрев во твоите раце …“
Со ова боливудската актерка ги отфрли пишувањата во медиумите и потврди дека нивната врска е стабилна, иако таа го промени презимето во социјалните медиуми.
Без разлика на тоа што пишуваат медиумите, Пријанка и Ник се мошне вљубени еден во друг - прочитајте неколку интересни факти за нив:
Ник Џонас и Пријанка Чопра се запознале откако музичарот одлучил да ѝ прати порака на Твитер. Актерката веднаш му го дала телефонскиот број и му рекла да ѝ пишува на телефон. Така започнала нивната љубовна приказна.
Во мај 2017-та година Пријанка Чопра и Ник Џонас за првпат се забележани заедно на Мет Гала, по што почнаа големиот број гласини дека тие се заедно.
На почетокот Пријанка и Џонас ги отфрлаа пишувањата дека се во врска, а одлучиле заедно да се појават на настанот затоа што се познавале од претходно.
Една година подоцна, во мај 2018-та година Пријанка и Ник почнаа заедно да се појавуваат во јавноста и беа забележани како одат на состаноци.
Во јуни 2018-та година се појавија фотографии од аеродром, на кои се гледа дека парот заедно присуствувал на семејна свадба на братучедот на Џонас.
Една недела подоцна парот заедно отпатувал во Индија, каде Џонас се запознал со мајката на Пријанка.
Во јули се појавуваат информации дека Пријанка и Ник имаат златни прстени, со што се разгоруваат гласините за можно крунисување на љубовта.
https://www.instagram.com/p/Bk4cqt2DcA_/?utm_source=ig_web_copy_link
Следниот месец Чопра и Џонас споделија фотографии од свршувачката со што ги потврдија сите информации во медиумите.
Во неодамнешно интервју за Vogue Пријанка рече дека вереничкиот прстен ѝ е најдрагиот накит што го има.
Во декември 2018-та парот стапи во брак во Индија, каде имаа две церемонии, една традиционална хиндуистичка церемонија и една Западна.
Во 2020-та година парот ја прослави двегодишнината од нивниот прв состанок со објавување од досега невидена фотографија од настанот.
Во периодот на 2020-та година парот за првпат имаше време постојано да биде заедно подолго време, за време на карантинот. Прашана за тоа што ново научила за нејзиниот сопруг додека биле постојано заедно, Пријанка рече:
„Сфатив дека многу го сакам иако поминувавме толку многу време заедно. Тој е прекрасен и никогаш немаше да поминеме толку многу време заедно да не беше карантинот.
Да не се случеше светската пандемија немаше да успееме да ги усогласиме распоредите. Успеавме да се вселиме во новиот дом“.
Б. С. Б. | Црнобело
Би можело да ве интересира:
Препорачуваме
Најчитани неделава
