Згодната Џорџина мами погледи на трибини – навива за Роналдо заедно со неговиот син (фото)
- Детали
- понеделник, 28 јуни 2021
На вчерашниот натпревар помеѓу Португалија и Белгија во првите редови седеше и Џорџина Родригез, заедно со најстариот син на Роналдо, и гласно ја даваше својата поддршка за нејзиниот сакан.
На натпреварот на Португалија и Белгија на Европско, помеѓу присутните беше и Џорџина Родригез која навиваше и ја даваше својата поддршка за нејзиниот сакан – Кристијано Роналдо.
Фудбалскиот натпревар се одржуваше во Шпанија, а Џорџина, заедно со 11-годишниот син на Роналдо, седеше во првите редови.
За натпреварот, 27-годишниот модел беше во лежерно издание, со бела маичка и фармерки. Синот на фудбалерот, пак, Кристијано Роналдо Џуниор, го носеше дресот на неговиот татко.
На својот Инстаграм профил, Џорџина сподели и неколку видеа од забавата што ја организирала во чест на натпреварот на својот сакан. На видеата Џорџина, Кристијано Роналдо Џуниор и уште неколку блиски се веселат и пеат на цел глас.
Претходно, Џорџина и Роналдо Џуниор присуствуваа и на натпреварот на Португалија против Унгарија, каде што Роналдо го сруши рекордот за најмногу голови на сегашното Европско – дури 10.
Покрај Роналдо Џуниор, познатиот фудбалер има и близнаци – Ева и Матео, како и 3-годишната ќерка Алана којашто ја доби со Џорџина.
Парот се запозна додека Џорџина работеше како асистент за продажба во Мадрид во 2016-та. Минатата година Џорџина откри дека кога го здогледала Роналдо, ѝ било јасно дека тоа е љубов на прв поглед, но и дека Роналдо го почувствувал истото.
„Првпат се сретнав со Роналдо додека работев во Gucci како асистент за продажба. Неколку денови подоцна се сретнавме на настан за друг бренд. Дури тогаш можевме да зборуваме поопуштено. И за двајцата, тоа беше љубов на прв поглед“.
Минатата година, за нејзиниот 26-ти роденден, Џорџина ги разгоре гласините дека можеби се венчале со Роналдо. Во објава за роденденот, таа го нарече „сопруг“, но засега парот ги нема ниту потврдено, ниту негирано овие гласини.
Спирова С. | Црнобело
Би можело да ве интересира:
Препорачуваме
Најчитани неделава
