Пријанка Чопра ги украде сите погледи – разголено деколте и нежности со сопругот на BAFTA 2021 (фото)

Детали

понеделник, 12 април 2021

Пријанка Чопра пристигна меѓу првите на настанот и дефинитивно го привлече вниманието на сите, Ана Кендрик изгледаше волшебно со долгиот фустан, Хју Грант пристигна со сопругата, a и двајцата изгледаа одлично.

Викендов се одржа 74-тото доделување на BAFTA наградите во Ројал Алберт Хол. Поради пандемијата, настанот беше виртуелен и најголемиот дел од присутните во Лондон беа ѕвездите кои ги презентираа наградите, додека останатите се вклучуваа онлајн.

Оваа година принцот Вилијам и Кејт Мидлтон, кои обично се почесни гости на настанот, не се појавија поради смртта на принцот Филип.

Кралското семејство со години го поддржува настанот, а во минатото, принцот Филип беше претседател на BAFTA наградите.

Сега оваа титула му припаѓа на Вилијам, кој годинава го прескокна неговиот говор поради смртта на дедо му.

Една од присутните беше Пријанка Чопра, која ја презентираше наградата за категоријата „Најдобра анимација“.

Таа пристигна меѓу првите на настанот, заедно со сопругот Ник Џонас. Актерката изгледаше одлично со широко бело здолниште и сако со длабоко деколте, украсено со везови, а Ник носеше црн костум.

Славниот пар дефинитивно привлече најмногу внимание, а пред камерите решија и да споделат неколку бакнежи.

На настанот се појави и Фиби Диневор, која исто така беше еден од презентерите. 25-годишната ѕвезда од хит-серијата Bridgerton носеше долг елегантен црн фустан со еден ракав.

Рене Зелвегер ја презентираше наградата за „Најдобар актер“, но не беше присутна во Ројал Алберт Хол. Актерката се вклучи во живо од Лос Анџелес, а за пригодата одбрала долг сребрен фустан со интересен корсет.

37-годишната Фелисити Џоунс ја презентираше наградата за „Најдобра кинематографија“, а на црвениот тепих се појави во долг црн фустан украсен со чипка.

На црвениот тепих се појави и шармантниот Хју Грант, заедно со сопругата Ана. 60-годишниот актер носеше црн костим, а неговата сопруга – краток црн фустан со светки.

Исто како Рене Зелвегер, и Ана Кендрик се вклучи во живо од Лос Анџелес за да ја презентира наградата за „Најдобра актерка“. Таа носеше долг светкав фустан со висок шлиц.

На настанот во Лондон присуствуваа и Том Хидлстон и Џејмс Мекавој кои, како повеќето актери, носеа црни одела.

Водителите на овогодишното доделување на BAFTA наградите беа Едит Боуман и Дермон Олери, кои споделија понекој збор за принцот Филип:

„Тој беше првиот претседател на BAFTA наградите, титула која сега му припаѓа на неговиот внук - војводата од Кембриџ. Токму поддршката на принцот Филип и нејзиното височество, кралицата, овозможија одржувањето на BAFTA да продолжи и во тешките времиња и да се одржува и денес, во 2021-ва. Војводата од Единбург има посебно место во историјата на BAFTA и нашите мисли се со кралското семејство“.

Како изгледаа другите ѕвезди кои присуствуваа или се вклучија во живо на настанот:

• 
• 
• 
• 
• 
• 
• 
• 
• 
•  

Спирова С. | Црнобело