Славни парови кои секогаш се појавуваат со усогласени комбинации на важните настани

Детали

понеделник, 01 август 2022

Со текот на времето црвениот тепих се претвори во модна писта, па пред секој голем настан од забавната индустрија детално се проучува облеката што ја носат ѕвездите.

За некои ѕвезди, како Ријана, е очекувано да се појават во беспрекорно издание, но уште поинтересни се славните парови кои секојпат ги усогласуваат нивните модни комбинации.

Погледнете кои славни парови секогаш изгледаат одлично со усогласените модни комбинации:

Викторија и Дејвид Бекам

Викторија е дизајнерка и од неа се очекува секогаш да изгледа одлично, а очигледно и Дејвид научил нешто за модата од неа. Тие се заедно повеќе од две децении и со текот на времето станаа можеби најдобро облечениот пар во светот на шоу-бизнисот.

Сара Џесика Паркер и Метју Бродерик

Благодарение на улогата во Sex and the City, Сара стана една од најпознатите актерки, а нејзиниот лик во серијата важи за модна икона.

Но, Сара има одличен вкус и во приватниот живот. Иако актерката има и неколку модни промапшувања, кога се појавува со сопругот Метју на црвениот тепих, и двајцата секогаш изгледаат беспрекорно.

Бијонсе и Џеј Зи

Можеби најмоќниот пар во светот на шоу-бизнисот спаѓа и во категоријата најдобро облечени. Комбинациите на Бијонсе и Џеј Зи се секогаш усогласени кога присуствуваат на некој важен настан.

Криси Тајген и Џон Леџенд

И Криси и Џон Леџенд скоро секогаш имаат усогласени модни комбинации и изгледаат беспрекорно кога се појавуваат во јавност.

Блејк Лајвли и Рајан Рејнолдс

Блејк и Рајан се најпознати по шегите што ги кажуваат на своја сметка, но дефинитивно привлекуваат многу внимание и со нивниот стил.

Џорџ и Амал Клуни

Кога светот дозна за врската на Џорџ и Амал, она што привлече најмногу внимание беше беспрекорниот стил на адвокатката. Па, не е ни чудно што заедно со Џорџ, секогаш изгледаат совршено.

Ник Џонас и Пријанка Чопра

На секој настан, Ник носи навистина интересни одела. А, бидејќи очигледно Пријанка е експерт за мода, веројатно таа ги одбира оделата на Ник кои секогаш одговараат со нејзината комбинација.

Спирова С. | Црнобело