Рајан Рејнолдс ја фарба Блејк Лајвли – како ѕвездите го прославија Денот на вљубените?
- Детали
- понеделник, 15 февруари 2021
Блејк Лајвли објави видео на кое Рајан ѝ ја бојадисува косата, а тој објави видео од неа на санка, Криси Тајген сподели анимација за нејзината љубовна приказна со Џон, а Викторија Бекам објави ретро фотки од неа и Дејвид.
Во неделата се прославуваше Денот на вљубените, но поради пандемијата, ни славните немаа некои големи планови.
Скоро сите го прославија празникот во домашна атмосфера и повеќето славни споделија фотки од романтичната вечера, но објавата на Блејк Лајвли дефинитивно привлече најмногу внимание.
По повод празникот, актерката сподели тајмлапс видео на кое нејзиниот сопруг Рајан Рејнолдс ѝ ја фарба косата. На шега, во описот Блејк напишала:
„Тогаш кога спиев со мојот фризер“.
Со видеото, Блејк сподели и фотка на која се гледа крајниот резултат од фарбањето на Рајан. Актерот завршил одлична работа, а како што велат повеќето фанови во коментарите, тој навистина е маж со многу таленти.
И Рајан сподели видео од својата сакана по повод Денот на вљубените. Актерот објави смешно видео на кое актерката се санка, а во описот напишал:
„Мојата сакана засекогаш, за предвидливата иднина“.
Покрај видеото, тој сподели и смешна фотка од нив двајцата – Блејк гледа кон камерата и позира, додека Рајан ја гледа со чуден поглед.
Како другите ѕвезди го прославија Денот на вљубените:
Мајли Сајрус сподели смешни љубовни картички со Хана Монтана
Џон Леџенд ѝ направил палачинки во форма на срце на Криси, а таа сподели анимирано видео кое ја раскажува нивната љубовна приказна
Алекс Родригез ја израдувал Џеј Ло со огромен букет рози, а пејачката сподели дека во февруари тие ја слават и нивната годишнина
https://www.instagram.com/p/CLRtd0QJOxZ/?utm_source=ig_embed
Џо Џонас сподели фотка од Софи Тaрнер додека беше бремена
Џиџи Хадид сподели слатка црно-бела фотографија од неа и од Зејн
https://www.instagram.com/p/CLSUDIlnODp/?utm_source=ig_embed
Ешли Греам сподели фотка од Ноќта на вештерките со сопругот Џастин, на којашто е бремена
Дејвид Бекам сподели фотка со Викторија, а таа, пак, сподели две стари фотографии каде што и двајцата носат виолетова облека
Спирова С. | Црнобело
Би можело да ве интересира:
Препорачуваме
Најчитани неделава
