Џеј Ло во лежерен, бел фустан и огромни штикли на романтичен состанок со Алекс (фото)

Детали

четврток, 11 февруари 2021

Со елегнатен долг бел фустан и чанта со впечатлив дезен, Џеј Ло изгледа одлично на фотките направени пред луксузен хотел во Мајами, иако многумина не се сигурни за изборот на чевли.

51-годишната Џеј Ло и 45-годишниот Алекс Родригез беа забележани како излегуваат од луксузен хотел во Мајами, наводно после романтичен ручек, а пејачката изгледаше одлично.

Џеј Ло носеше долг, елегантен, бел фустан со проѕирни ракави, како и бели чевли со многу висока потпетица, за кои има поделени мислења.

Комбинацијата ја дополнила со чанта со впечатлив дезен и едноставен накит, а косата ѝ беше собрана во неуредна пунџа.

Алекс, од друга страна, одбрал поедноставна облека – сива маичка, фармерки и патики.

Според некои извори, пејачката треба да оди во Доминиканска Република каде што ќе работи на нов проект, па парот решил порано да го обележи Денот на вљубените.

Деновиве парот привлече внимание откако Џеј Ло изјави дека заедно со Алекс оделе на „терапија за парови“ за време на пандемијата.

„Мораме да работиме на нас. Одевме на терапија и мислам дека многу ѝ помогна на нашата врска“, изјави пејачката.

Наводно, најголем проблем им било тоа што не можеле да си го услогласат темпото на живот - Алекс, за разлика од Џеј Ло, не сакал многу динамично темпо, а ова дошло до израз со пандемијата.

„Ми недостасува да бидам креативна и постојано да правам нешто. Но Алекс само ми рече ’Го сакам ова. Сакам да сум дома. Си ги сакам Zoom повиците. Сакам што децата се постојано дома‘“.

Џеј Ло и Алекс ја почнаа врската во февруари 2017-та, а се верија во 2019-та. Минатата година планираа да прават и венчавка, но мораа да ги одложат плановите поради пандемијата.

Неодамна, пак, Џеј Ло изјави дека после многу размислување, постои можност воопшто да не направат свадба.

Спирова С. | Црнобело