Која е 23-годишната девојка што се појави по гаќи и чуден градник на MTV VMA 2024?
- Детали
- четврток, 12 септември 2024
На синоќешното одржување на MTV VMA наградите, покрај многуте добри и лоши стајлинзи во кои се појавија познатите, имаше една девојка која посебно се издвојуваше.
На црвениот тепих, една девојка се појави во бели гаќи и необичен, скулптуриран градник, дополнето со волуменозен тул. Да, само толку.
Малку потсетува на Мадона, малку на Мерилин Монро, но дефинитивно е единствена која може да се појави во ваков стајлинг и да издоминира кај модните критичари.
Станува збор за Адисон Реј, 23-годишна тиктокерка, која е мултиталентирана.
Но, која е всушност оваа девојка и зошто е популарна?
Адисон Реј е американска инфлуенсерка, пејачка и актерка, родена во Луизијана.
Нејзината слава ја стекнала на ТикТок, каде веќе има повеќе од 80 милиони следбеници и се смета за 5-та највлијателна личност на платформата.
Уште од најмала возраст е вљубеничка во танцувањето и учествувала на натпревари, а токму со видеа од танцување ја почнала својата „ТикТок кариера“ во 2019.
https://www.tiktok.com/@addisonre/video/6897747684598287622?lang=en
Кога одеднаш станала популарна, животот ѝ се сменил преку ноќ и добила повеќе понуди од брендови за соработка во Лос Анџелес, па го напуштила универзитетот и се преселила таму.
Таа очигледно има повеќе таленти, па добила неколку улоги во филмови, меѓу кои и еден на Нетфликс, се има пробано и како пејачка со неколку свои песни, а има и своја линија на парфеми и козметички производи.
Благодарение на големиот број следбеници на ТикТок, соработките кои ги остварува со бизнисите и објавите на социјалните мрежи кои скапо ги наплаќа, како и козметичката линија, музичката и актерската кариера (каква-таква), оваа 23-годишна девојка во 2023-та тежела околу 15 милиони долари.
Светските медиуми за неа велат дека од себе изградила одличен бренд и стратешки се искачила по скалата на успехот.
На ТикТок, за своите танцувачки видеа, секогаш паметно ги бирала песните кои се трендовски, што ѝ помогнало да биде видена и пронајдена.
Нејзината содржина е забавна и никогаш пренападна, таа е харизматична, а својата империја ја градела со напорна работа во изминатите 5 години.
Интересно е што таа е пријателка со Кортни Кардашија, со која се зближила откако снимила неколку ТикТок видеа со синот на ријалити ѕвездата.
М. М. | Црнобело
Би можело да ве интересира:
Препорачуваме
Најчитани неделава
