Кети Пери во конци, Росалинда како замотана во фолија – Највпечатливите аутфити на MTV VMA наградите

Детали

четврток, 12 септември 2024

Некои можеби имале оригинални идеи, но потфрлиле во изведбата. Други, пак, носеа аутфити во чест на Бритни која требаше да се појави на настанот… Што облекоа музичките ѕвезди на доделувањето на MTV VMA?

Најголемите музички ѕвезди и имиња во моментов синоќа (11.09) се собраа во Њујорк на црвениот тепих на MTV VMA, настан на кој беа доделени голем број награди, а каде за првпат по цела деценија беше номинирана и Бритни Спирс.

Иако многумина го очекуваа нејзиното присуство, Бритни Спирс не се појави на настанот.

Меган Ди Сталион во аутфитот на Бритни

Имено, Бритни беше номинирана во новата категорија насловена „Највпечатлива изведба“, која годинава беше воведена со цел да се одбележи 40-годишнината од церемонијата.

Очекувано, поп-ѕвездата беше номинирана за нејзиниот настап од 2003-та година, заедно со Мадона, Кристина Агилера и Миси Елиот, кој ќе остане запаметен заради размената на бакнежи на сцената меѓу изведувачките.

Бритни и Мадона на MTV VMA 2003

Во нејзина чест Меган Ди сталион и Тејт Макреј носеа аутфити коишто Бритни ги носела на претходните изданија на MTV VMA.

Тејт Мекреј во аутфитот на Бритни

Другите ѕвезди, пак, се одлучија за некои пооригинални изданија.

Кети Пери носеше дводелен аутфит од распарани материјали, со истетовиран баркод на грбот, додека Тејлор Свифт се појави во корсет со отворено здолниште изработено од жолто-црн кариран материјал.

Латино-американската ѕвезда Талија, позната како Росалинда, се чини дека имала добра замисла за изгледот, но на крај изгледаше како да е завиткана во чудна алуминиумска фолија.

Контроверзниот рапер Lil Nas X се појави во униформа со кацига на главата…

Во галеријата погледнете ги модните изданија од MTV VMA 2024:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 

Б. С. Б. | Црнобело