Сарп од турската хит-серија „Инсајдер“ му станува сосед на „турскиот Бред Пит“ - Како изгледа новата куќа на Чагатај Улусој?

Детали

среда, 13 јануари 2021

Според турските медиуми, глумецот Чагатај Улусој (за нас познат како Сарп од серијата „Инсајдер“) изморен од плаќање месечна кирија од 16.000 лири (1765 евра), решил да купи куќа и тоа токму во соседството на неговиот колега и пријател Киванч Татлитуг, кој го нарекуваат турскиот Бред Пит.

Овие двајца супер-згодни и успешни турски актери, ѕвезди на најпопуларните турски серии се долгогодишни пријатели. Покрај тоа што соработуваат на неколку проекти исто така редовно се дружат и одат на одмор заедно. Сега се чини ќе станат уште поблиски со оглед на тоа дека ќе бидат соседи.

Чагатај за македонската публика во моментов е актуелен со улогата на Сарп во мега-популарната серија „Инсајдер“ на туската продукциска куќа Ay Yapim која е меѓу најголемите продукции во светот.

Успехот на „Инсајдер“ го покажува фактот дека е најгледана турска серија онлајн во над 50 земји. Инсајдер ја следи приказната на двајца браќа Сарп Јилмаз (Чагатај Улусој) и Умут Јилмаз (толкуван од Арас Булут Инемли) кои биле разделени како деца и се среќаваат многу години подоцна, но се на спротивните страни на законот.

Чагатај Улусој

Куќата што ја разгледувал и планира да ја купи 30-годишниот Чагатај, во маалото на турскиот Бред Пит (Киванч Татлитуг) според медиумите е прекрасна, пространа вила и чини 5 милиони лири или околу половина милион евра.

Киванч Татлитуг

На снимањето на „Инсајдер“, Чагатај ја запозна и својата љубов, Дујгу Сарсин. По гласините дека раскинале па потоа дека се смириле, при едно скорешно интервју на Чагатај му беше поставено прашањето: „Со Дујгу Сарсин сте во врска на далечина. Како оди? Дали врската меѓу двајца актери е рецепт за совршена хармонија или знае повремено да биде многу тешко? “

Чагатај одговори: „Супер сме, сè е ОК. Начинот на кој ја разбирам љубовта се менува со годините или како што рекол Хемингвеј: Најубаво нешто во животот е да имате една личност која ги знае сите ваши маани и се уште мисли дека сте прекрасен.”

Чагатај Улусој и Дујгу

Сепак тој не откри дали планира во новата куќа да се всели заедно со Дујгу.

Одличната хемија меѓу Чагатај и Дујгу е евидентна во серијата „Инсајдер“, уживајте во нова епизода секој ден од 19.55 часот на TDC Macedonia.

Предлози за уште 5 турски серии на Netflix чии епизоди со задоволство ќе ги гледате