„Ме сака без шминка, не планираме деца наскоро“ – Хејли Бибер за бракот + жешка фотосесија со Џастин

Детали

вторник, 06 октомври 2020

Неодамна Хејли и Џастин ја прославија нивната годишнина, а направија и провокативна фотосесија за октомвриското издание на италијанскиот Vogue. Во интервјуто за магазинот, Хејли откри детали за бракот.

Две години откако се венчаа во тајност, Џастин и Хејли покажаа дека нивната љубов е посилна од кога било, и тоа со провокативна фотосесија за италијанскиот Vogue.

26-годишниот пејач и 23-годишниот модел ќе ја красат октомвриската насловна страница на магазинот, која, пак, му е посветена на Хелмут Њутн – познатиот моден фотограф. Провокативните фотографии се всушност во чест на љубовта на Хелмут кон неговата сопруга Џун.

„За да ѝ оддадеме чест на нивната врска, ги замоливме Хејли и Џастин Бибер, еден од најпознатите славни парови, да бидат главни ликови на нашата насловна“, напишаа од Vogue на Instagram објавата со насловната.

Фотографијата на која Хејли и Џастин се легнати во кревет и се гледаат во очи е објавена само неколку денови после годишнината од нивната свадбена церемонија, која се одржа во септември минатата година.

Двајцата дефинитивно изгледаат повљубено од кога било, а во интервјуто за италијанскиот Vogue, Хејли само го потврдува тоа.

„Ние сме двајца луѓе кои работат напорно за да имаат здрава врска. Сакаме да бидеме пример и инспирација, за луѓето ширум целиот свет да ги ценат здравите врски“, изјавува Хејли.

Моделот спомнува и дека Џастин најмногу сакал да ја гледа природна, без шминка и со неуредна фризура.

Хејли прозборе и за нивните улоги во бракот, изјавувајќи дека таа е партнерот кој размислува, а Џастин партнерот кој чувствува:

„Јас сум логичар, тој е емотивен. Тој е артист, а јас сум размислувач. Со текот на времето тој ми помага да ги искажам емоциите, а јас му помагам да биде аналитичар“.

Хејли одговори и на прашањето што ги интересира многу фанови – дали им е во план да имаат деца:

„Интересно е што отсекогаш сум сакала да имам деца порано во животот, но сега кога сум во брак, немам толкава потреба. Јас сум амбициозна девојка со многу проекти. Некогаш ќе се случи и тоа, но не сега“, изјави Хејли.

По повод нивната годишнина, пак, Џастин сподели фотка од венчавката со многу емотивен опис:

„Хејли Бибер. Многу сум среќен што сум ТВОЈ сопруг. Секој ден учам толку многу од тебе и ме правиш многу подобар маж! Посветен сум до крајот на нашите животи да те охрабрувам да станеш жената која Бог те создал да бидеш. Моето срце е за да ти помогне да ги постигнеш и твоите најлуди соништа! Ти ветувам дека секогаш ќе те ставам на прво место. Среќна годишнина моја убава и слатка девојко“.

Спирова С. | Црнобело