„Како станав волку среќна?!“ – Ким и Канје глумат среќно семејство и покрај бројните гласини за развод
- Детали
- среда, 30 септември 2020
Сите го очекуваат нивниот развод, но Ким и Канје си организираат романтична вечера и споделуваат семејни фотки на кои сите се насмеани.
И покрај тоа што целиот свет е убеден дека е прашање на време кога ќе се разделат Ким и Канје, славниот пар се однесува како сè да е во ред.
На својот Twitter профил, Канје откри дека тој и Ким ќе имаат романтична вечера до огромен шатор. Раперот сподели фотка од шаторот, пред кој едвај се гледа масата, со опис: „Вечера за 2“.
https://twitter.com/kanyewest/status/1310769972205858816
Фановите се убедени дека овој романтичен гест на Канје е причина што следниот ден Ким сподели неколку семејни фотографии, на кои се наоѓа и Канје.
39-годишната старлета ги објави фотографиите на Instagram, со опис: „Како станав волку среќна?!?!?“
На некои фанови, пак, им се чини дека е ова е очаен обид на Ким да му покаже на светот дека тие се обично среќно семејство, особено кога има секакви гласини за нивниот потенцијален развод.
Претходно, Ким беше забележана како оди на вечера кај пријател во Малибу. Ријалити ѕвездата носеше бели панталони со син, транспарентен горен дел.
Иако Ким се обидува да изгледа безгрижно, извори блиски до семејството велат дека ѝ е жал за проблемите со менталното здравје на сопругот Канје.
Наводно, Ким е премногу загрижена подолг период, особено после испадите на Канје на Twitter.
„Многу е разочарана бидејќи Канје страда. Тоа е лош циклус, кој Ким претходно успешно го спречувала. Неа не ѝ е грижа за твитовите. Променливото расположение и биполарните епизоди се она со кое Ким и Канје тешко се справуваат“, вели изворот.
Спирова С. | Црнобело
Би можело да ве интересира:
Препорачуваме
Најчитани неделава
