Анџелина Џоли со маска на шопинг, додека кружат гласини дека ќерка ѝ Шајло избегала кај Бред Пит

Детали

четврток, 09 јули 2020

Првото биолошко дете на Џоли и Пит кое е девојче, но вели дека се чувствува како момче и така се однесува, повторно се најде на насловните страници на светските медиуми.

Анџелина Џоли за време на корона кризата времето го минува со своите деца во домот во Лос Анџелес и кога и да ја фотографираат папарацо фотографите ѕвездата носи маска на себе и дава одличен пример.

Сега таа беше фотографирана додека оди на пазарење во кафен фустан и Christian Dior чанта.

Инаку, сите љубители на некогашниот пар Џоли-Пит се среќни што поранешните сопружници конечно успеаја да ги средат односите и Бред Пит беше фотографиран како излегува од домот на Џоли.

Извор близок до актерите вели дека причина за ова е семејната терапија која ја посетувале двајцата. Парот конечно е на подобро место по 4 години тешка битка околу старателството на 6-те деца.

„На нив дефинитивно им требаше помош за да ги средат несогласувањата околу старателството на децата и околу тоа како Бред да биде добар татко повторно, по скандалите со алкохолизмот“, вели извор близок до парот.

Но, семејството повторно го потресе скандал деновиве. Медиумите пишуваат дека Шајло избегала од домот на Џоли и наводно отишла да живее со Бред Пит и неговите родители.

Таа изминатава година постојано е во медиумите. Претходно се пишуваше дека толку многу се зближила со Џенифер Анистон што дури ја викала „мама“.

„Шајло е многу блиска и со мајка ѝ и со татко ѝ и во текот на процесот апсорбираше многу од нивната болка. Скршено ѝ е срцето и навистина ѝ недостасува семејниот начин на живот“, вели извор близок до семејството.

Наводно сакала да се потсети на вкусот на „нормалниот“ живот и избегала за да мине малку време со нејзините баба и дедо од страната на Бред, како и со братучедите.

Дали навистина Шајло избегала од дома останува да видиме.

Шајло е прво биолошко дете на парот и таа веќе долг период се облекува како момче, затоа што вели дека така се чувствува.

Уште на 8-месечна возраст доби своја восочна фигура во музејот Madame Tussauds.

С. С. | Црнобело