Зборовите на Бред Пит за Џенифер Анистон по разводот + невидено видео од свадбата со Џоли

Детали

четврток, 04 јуни 2020

„Златната двојка на деценијата“ не успеа, а фановите до денес навиваат за смирување на Бред и Џен.

Бред Пит по разводот од Џенифер Анистон, а пред да ја започне аферата со Анџелина Џоли даде многу интервјуа во кои говореше за неговата Џен.

Иако „златната двојка“ на деценијата пропадна, тој никогаш не кажа лош збор за неа.

56-годишниот актер во интервју за магазинот Vanity Fair ја опиша Џенифер како „топлина која ги собира сите околу себе“. Тој нагласи дека за неа главно нешто е домот, пријателите и семејството.

„Таа е како магнет, таа ги спојува луѓето заедно. Џен е како камин – зрачи топлина.“

Потоа за неа говореше и во шоуто на Опра: „Џенифер е една од најтоплите личности што ги знам. Навистина е прекрасна и ме научи многу работи.“

Бред и Џенифер се разделија во 2005 година и иако официјално Анџелина Џоли не беше причината за тоа, Бред наскоро беше фотографиран рака под рака со неа.

Инаку во интервју во 2006 година Џенифер зборуваше за единствената средба што ја имала со Џоли.

„Тоа беше на снимањето на серијата „Friends“ – ја повлеков и ѝ се претставив. Ѝ кажав Бред е навистина возбуден што ќе работи со тебе. Се надевам дека добро ќе си поминете“, и останатото е историја.

Тие го снимаа заедно филмот „Mr & Mrs Smith“, Бред се разведе од Џен и почна врска со Џоли.

Бред и Џен беа во брак од 2000 до 2005, а Бред со Џоли беше заедно од 2006 до 2016, а во брак стапија во 2012. Со неа има 6 деца, од кои 3 се посвоени.

Инаку, Кортни Кокс, пријателката на Анистон, вели дека Бред чувствувал привлечност кон Џоли и се борел со тоа извесно време, но добро е што барем бил искрен во врска со тоа со Џенифер, за разлика од некои кои чувствуваат привлечност кон други личности, но не се искрени во врска со тоа.

Видео од свадбата со Џоли:

С. С. | Црнобело