Најзборуваниот конфликт во шоу-бизнисот: Што навистина се случува помеѓу Бијонсе и Ким Кардашијан?

Детали

недела, 24 мај 2020

Низ историјата на шоу-бизнисот имало безброј конфликти помеѓу славните. Некои поминале незабележано, некои привлекле многу внимание, но изгледа ништо не се споредува со гласините за Бијонсе и Ким Кардашијан.

Моментално, ова се двете најпознати жени во светот и, иако немаат прозборено ништо за проблемите меѓу нив, фановите се убедени дека сепак се случува нешто.

Па, што е тоа?

Канје Вест долго време е пријател со Бијонсе и Џеј Зи и наводно, Ким се обидела да се спријатели со пејачката кога ја започнала врската со раперот.

Според приказните, Бијонсе не била заинтересирана за пријателство и уште на почетокот се однесувала ладно кон Ким.

Изгледа дека за дел од тензијата помеѓу Бијонсе и Ким е одговорен и Канје. Имено, раперот има соработувано со Џеј Зи, но има кажано и навистина лоши работи за него. Истовремено, Канје откри дека долго време не зборувале со Џеј Зи.

Постојат гласини и дека на Бијонсе не ѝ се допаѓа желбата за слава на Ким и Канје. Таа и Џеј Зи се навистина приватна двојка, а ова не важи за Кардашијан и Вест.

Венчавката на Канје и Ким од 2014-та дополнително ги разгори гласините за спорот помеѓу ѕвездите. Иако на венчавката присуствуваа некои од најпознатите имиња во светот, Бијонсе и Џеј Зи не беа таму.

Притоа, тие не само што не дошле, туку Џеј Зи ја одбил и понудата да му биде кум на Канје.

Доста чуден беше периодот и кога Ким и Бијонсе беа бремени. Се зборува дека откако Бијонсе се породила, Ким ѝ испратила облека за Блу Ајви и близнаците, во вредност од 10.000 долари. Исто така, ѝ подарила и шминка од нејзиниот бренд, во златна кутија. Но, пејачката не ги примила подароците, туку ги оставила во болницата каде што се породила.

Некои фанови одат дотаму што тврдат дека Бијонсе ја напаѓа Ким и во нејзините песни. На пример, тие веруваат дека во песната Top Off од 2018-та има стих кој се однесува на фотографиите што ги сподели Ким, за кои се зборуваше дека го „срушија интернетот“.

Според други гласини, Џеј Зи и Бијонсе ги заладиле односите со Ким и Канје поради нивните политички погледи. Ким и Канје го поддржуваат Трамп, а бидејќи раперот има неколку контроверзни изјави во врска со ова, Бијонсе и Џеј Зи решиле да се оддалечат од него и Ким.

Фановите на Бијонсе сметаат дека Ким ја копира познатата пејачка, па дури и ја напаѓаат за тоа. Можеби и ова има некаква врска со конфликтот помеѓу нив.

Сепак, по сè изгледа дека на конфликтот му се ближи крајот. Неодамна Бијонсе ја испеа When You Wish Upon A Star и им ја посвети песната на здравствените работници кои се борат со корона вирусот. Ким, пак, не штедеше на комплименти за изведбата на пејачката, а ова ги натера фановите да веруваат дека ситуацијата можеби се смирила.

Кратко по комплиментите, Бијонсе ѝ испратила огромна кутија со подароци на Ким, во која имало облека, чевли и модни додатоци. Ким била воодушевена од гестот, па дури и се пофали со подарокот од пејачката.

https://www.instagram.com/p/B75MWSzhZi5/?utm_source=ig_embed

Спирова С. | Црнобело