Што точно се случи со Ријана и Џеј Зи – зошто ѕвездите не соработуваат повеќе?

Детали

недела, 10 мај 2020

Можеби конечно, после толку години, ќе дознаеме што точно се случи помеѓу поп принцезата и хип-хоп могулот. 

Моќното музичко дуо најпрепознатливо по хитот „Umbrella“ не зборува и не соработува години наназад. Одговорот за овој развој на настаните можеби се крие во новиот документарен филм за Ријана во продукција на Амазон.

Но, сите се прашуваат – зошто Ријана и Џеј Зи повеќе не се пријатели и соработници?

Ријана се чини дека е окупирана со својата козметичка линија Fenty и неколку други проекти, но документарниот филм е при крајот на изработката и неминовно ќе биде објавен.

Rihanna: Volume One доаѓа наскоро и ќе содржи многу пикантерии од приватниот и професионалниот живот на Рири во режија на Питер Берг.

Според извори, документарецот ќе содржи и неколку интересни, експлозивни детали поврзани со кавгата помеѓу ѕвездите.

Ријана ги наброила проблемите коишто ги имала со нејзиниот менаџер од RocNation како и со Џеј Зи. Таа сугерира дека Џеј Зи без нејзино знаење предвремено го објавил нејзиниот албум Anti, со цел да предизвика поголем интерес за албумот на Бијонсе, Formation.

Во јануари, 2016 година, долгоочекуваниот албум на Ријана беше пуштен на TIDAL многу порано отколку што требало, а Ријана им понуди на фановите кодови со цел да го преслушаат албумот бесплатно. Според Ријана, Џеј Зи намерно го направил ова и неговата постапка ја уништила врската помеѓу неа и семејството Картер.

Од TIDAL пак изјавиле дека се работи за случајна, системска грешка поради предвременото пуштање на албумот во етерот.

Дел од озборувањата вклучуваат афера помеѓу Џеј Зи и Ријана во минатото.

Во одреден период во 2005 година кога Бијонсе и Џеј Зи биле раскинати, се шпекулира дека раперот имал афера со тогаш 17-годишната Ријана, но овие информации не се официјално потврдени никогаш.

Во декември, 2019 година одекна веста за документарниот филм Rihanna: Volume One кој ветува дека ќе понуди нецензуриран пристап до животот на пејачката. Можеби преку него подобро ќе дознаеме што точно се случило помеѓу двете ѕвезди.

(О)Милена | Црнобело