„Мајката и бебето се добро“ - Илон Маск и пејачката Грајмс добија синче

Детали

вторник, 05 мај 2020

Илон Маск стана татко на уште едно момче – пејачката Грајмс го роди неговиот шести син. За Грајмс, пак, ова беше прва бременост.

48-годишниот основач на Tesla ги сподели вестите на Twitter во понеделникот:

„Мајката и бебето се добро“.

Подоцна сподели и дека бебето е машко, а денес објави и фотографија со него.

Илон има пет синови од неговиот претходен брак, а во 2002-ра трагично го изгуби неговото прво дете, неколу денови по неговото раѓање.

Грајмс ја соопшти бременоста во јануари, а подоцна и отворено зборуваше за тоа со нејзините фанови. Пејачката изјави дека имала компликации на почетокот од бременоста, но второто тримесечје било одлично.

Грајмс и Илон ја започнаа врската пред две години – во мај 2018-та, тие заедно се појавија на Мет Галата и ги изненадија сите со веста дека се пар.

Прочитајте и Го очекуваат нивното прво дете - Работи што не сте ги знаеле за врската на Илон Маск и Грајмс

Спирова С. | Црнобело