Елена Ристеска: „Полнам 34 години и сѐ уште не ми треба ботокс“
- Детали
- вторник, 28 април 2020
„Конечно цела торта за мене“, се пошегува Елена Ристеска на својот карантински роденден и си посака и на 35 години да не ѝ треба ботокс, исто како сега.
Елена Ристеска вчера (27.04) наполни 34 години. Оваа година роденденот го прослави дома во карантински услови, но на шега вели дека добро е што за првпат целата торта е само за неа.
Со објава на својот Инстаграм профил таа го одбележи својот роденден.
„Happy B-day to ME.
Полнам 34 и сѐ уште не ми треба ботокс. Се надевам дека истиов статус ќе го напишам и на 35. До тогаш да сме здрави и живи. Да ја надминеме „короната” - за некого заговор, за некого грда вистина и загуба на блиски. За сите нас ужасен старт на 2020-та година помината во страв.
Како дете често ми се паѓаше роденденот на Велигден, па славев роденден само со најблиските. Така што не е толку трагичен овој роденден за мене да го поминам во изолација.
Сепак имам милион причини да сум среќна до небото затоа што ве имам вас кои ме поддржувате и почитувате - вие сте најлојални од сите луѓе во светот бидејќи ме знаете во сржта каква сум. Од сите богатства на светот секогаш би ве одбрала ВАС. Но, и богатството наречено „моите најблиски” кои ме сакаат дури и во ретките моменти кога не ми е денот ,еден голем пехар за нив.
Исто еден „пехар за толеранција”, поради мојата особина на перфекционист за сите мои соработници. Особено последниве две макотрпни години посветени на мојот бренд @era_cosmetics. Едвај чекам да ви го претставам она поради кое ја ставив привремено во втор план музиката.
Иако требаше да почне сѐ во април, парфемот одлучив да не го промовирам во овој период затоа што не е хумано да се почнува кампања за парфем додека луѓе се борат за живот и целата држава и светот се во вонредна ситуација. Ќе има ден за тоа наскоро...
Низ годиниве многу уметници, музичари, поети и фанови напишаа по некој стих за мене или ме нацртаа, мал дел од нив ќе споделам во овој пост. Необјасниво е колку ми значи сѐ што сте посветиле на мене. Особено ме допре поетесата Ана Бунтеска која ја напиша песната на следната страница за мене. Јас со овие ваши дела станувам БЕСМРТНА. Фала му на Бога.
Ви благодарам за честитките на сите, оние кои не ми честитале не се лутам, сепак љубовта што ја добивам 364 дена ми е и повеќе од доволна.
П. С. Конечно цела торта за мене.“
С. С. | Црнобело
Би можело да ве интересира:
Препорачуваме
Најчитани неделава
