Меган Маркл и Хари не се единствените - Најконтроверзните кралски парови на сите времиња

Детали

понеделник, 20 април 2020

Можеби ни изгледа дека членовите на кралските семејства сега се озборуваат најмногу, но ова не е ништо ново.

Низ годините, европските кралски семејства се соочувале со бројни скандали, особено поради партнерите што ги одбирале.

Па, погледнете кои кралски парови предизвикале најмногу бура:

Меган Маркл и принцот Хари

Веќе целиот свет знае за Меган и Хари и нивната одлука да ги напуштат кралските должности. Ова не е нешто невидено во кралските семејства и иако денес можеби правилата не се толку строги, она што го направија Хари и Меган беше вистински скандал за британското кралско семејство.

Кралот Хенри VIII и Ен Болејн

Кога Хенри се вљубил во Ен, одлучил да се раздели од неговата тогашна сопруга Кетрин. Но, Католичката црква го забранувала разводот, па Хенри решил да направи своја религија.

Всушност, љубовта на Хенри кон Ен е причината за создавањето на Црквата на Англија и одделувањето на Обединетото Кралство од Ватикан.

На крајот, Ен го изневерила Хенри, па тој наредил да ѝ ја пресечат главата.

Принцот Ендру и Ку Старк

Во 1981-ва, принцот Ендру се вљубил во Ку Старк – актерка и модел која правела провокативни фотографии и се подготвувала да се појави во филм гола.

Се верува дека Ендру дури и ги запознал кралицата Елизабета и Ку, но нивната врска морала да заврши, најмногу поради притисокот од палатата.

Принцот Ендру и Сара Фергусон

По разделбата со Ку, Ендру се венча со Сара Фергусон, но нивниот брак го следеа безброј скандали, па дури и гласини за неверства. Во 1996-та тие се разведоа, а во 2010-та Сара беше фатена како се обидува да продаде информации за принцот.

Принцот Карл Филип од Шведска и принцезата Софија

Оваа врска е контроверзна бидејќи пред да стане принцеза, Софија имала направено неколку провокативни фотосесии. Истовремено, таа има и тетоважи – нешто што не постои кај кралските семејства.

Според изворите, семејството на Карл не ја сакало Софија поради нејзиното минато, но принцот се обиде да ги замолчи сите гласини.

Продолжува на следната страница...