Братот ја моли Меган Маркл да ја исполни смртната желба на нивниот татко
- Детали
- понеделник, 16 март 2020
Томас Маркл Џуниор повторно испраќа отровни стрели кон сестра си, тој дури ѝ предвиде и развод.
Меган Маркл со години не е во контакт со нејзиниот полу брат Томас Маркл Џуниор (54), но тој не престанува да говори за неа во медиумите.
Тој ѝ испрати апел на Меган да му се јави на нивниот стар и болен татко, кој е фрустриран што не може да ја добие и да го запознае својот внук Арчи. 75-годишниот Томас наводно најмногу од сѐ на светот сакал да го запознае Арчи.
Инаку, полу братот на Меган ѝ предвидува развод од принцот Хари и нејзино враќање на холивудската актерска кариера, за која тој смета дека е просечна. За Меган вели дека е само лик од серија, а не актерка од А-листата.
„Смртната желба на татко ми е да го види Арчи, Меган треба да се спушти на земја и да му го дозволи тоа“, порача Томас Маркл Џуниор, на кој не му е првпат да ја оцрнува сестра си во медиумите.
С. С. | Црнобело