Бен Афлек и колешката Ана де Армас ги потврдија гласините за нивната врска (фото)

Детали

четврток, 12 март 2020

Минатата недела, Бен и колешката Ана де Армас беа забележани во Куба.

Овој викенд заминале во Костарика, а според фотографиите од папараците, актерите изгледаат навистина вљубено.

Бен и Ана се запознаа на снимањето на трилерот „Deep Water“, чија премиера се очекува во ноември.

Гласините за врската помеѓу актерите започнаа уште минатата недела кога беа во Куба. Ова е родното место на Ана и според изворите, актерката му направила тура низ нејзините омилени места.

„Бен изгледаше како да ужива во патувањето. Беше во одлично расположение и многу пријателски настроен. Фановите неколкупати му приоѓаа, а тој со задоволство се фотографираше. Посетија неколку ресторани и уживаа во кубанската кујна“, споделил еден извор.

Ана беше во брак со шпанскиот актер Марк Клотет од 2011-та до 2013-та.

Бен, пак, претходно беше во брак со Џенифер Гарнер, со која има и три деца. Парот се раздели во 2015-та, а го финализираа разводот во 2018-та.

Актерот долго време имаше проблеми со зависност, но по иницијатива на Џенифер, се пријави на рехабилитација.

Неодамна изјави дека изминативе три години ги поминал трезен, а ја подобрил и врската со неговите деца, но и со поранешната сопруга.

Изгледа актерот конечно го надминал тешкиот период и сега ужива во прегратките на новата девојка.

Погледнете ги Бен и Ана во Костарика:

• 
• 
• 
• 
• 
• 
• 
• 
•  

Спирова С. | Црнобело