Зошто Мила Кунис има различна боја на двете очи?
- Детали
- четврток, 27 февруари 2020
Мила Кунис ги освои срцата на гледачите уште на 14 години, со улогата во хит-серијата „That 70s Show“.
Додека фановите знаат многу детали за познатата актерка, малкумина забележале дека нејзините очи имаат различна боја. Веројатно причината е што Мила не е родена со овој феномен.
Различната боја на очите е еден вид нарушување познато како хетерохромија. Додека кај некои луѓе разликата е очигледна, кај Мила нарушувањето е посуптилно. Нејзиното лево око е зелено, додека десното има кафеава нијанса.
Но штом не се родила со хетерохромија, како Мила го добила нарушувањето?
Актерката била слепа на едното око
Во интервју за Cosmopolitan од 2011-та, Мила се отвори за проблемот со кој се соочувала многу години – хроничен иритис, односно воспаление на рожницата.
„Бев слепа на едното око со години, а никој не знаеше.“
Актерката нема откриено колку долго се справувала со проблемот, но во 2010-та направила операција.
„Повеќе немам слепило. Пред неколку месеци направив операција. Ми го отворија окото и ми ставија нова леќа“, изјави актерката тој период.
После операцијата, оперираното око почнало да ја менува бојата, па денес Мила има едно кафеаво и едно зелено око.
Ова е нарушување кое може да биде наследно или да настане од повреда.
Колку луѓе имаат хетерохромија?
Познато е дека само 1% од населението има хетерохромија. Според искуството на Мила, самото воспаление, пак, може да има големо влијание врз животот на личноста:
„Да речам дека не ми се промени животот би било лага. Животот ми се промени и не знам точно како. Не дека сакам да се жалам, но не можам да го напуштам домот со истата слобода како и претходно“, споделила актерката.
Мила не е единствената позната личност со хетерохромија.
Кејт Босворт е уште една актерка со различна боја на очите. Наводно, во „Superman Returns“ режисерот ѝ рекол да ги извади леќите и да ја покаже вистинската боја на нејзините очи. Кејт има изјавено дека ѝ било тешко да се адаптира на промените што следеле:
„Брајан (режисерот) требаше да одлучи дали ги сака моите природни очи. Одлучи дека ги сака. Па, сега куклите со Лоис Лејн имаат различна боја на очите, што е навистина чудно.“
И актерката Алис Ив има различна боја на очите – едно кафеаво и едно сино.
Во 2012-та таа откри дека некое поранешно момче не ја забележало разликата со месеци:
„Едно момче, со кое набрзо раскинавме, 9 месеци не ја забележа разликата во бојата на моите очи.“
Во категоријата познати со некаков вид хетерохромија спаѓаат и Бенедикт Камбербач, Хенри Кевил, Кифер Сатерленд, Оливија Вајлд и многу други.
Спирова С. | Црнобело