Познати парови кои останаа пријатели и после раскинувањето
- Детали
- петок, 24 јануари 2020
Одржувањето пријателска врска со бившиот може да биде навистина тежок предизвик.
Ситуацијата станува уште покомплицирана ако сте позната личност чиј живот постојано е следен од јавноста.
Сепак, иако многу холивудски парови прекинале секаков контакт по раскинувањето, постојат и оние кои успеале да го задржат пријателството.
Погледнете кои познати парови се пријатели и после нивната разделба:
Бред Пит и Џенифер Анистон
Долго време немавме слушнато ништо за Џенифер и Бред, но на овогодишното доделување на SAG наградите покажаа дека се во добри односи.
Тие дури и си честитаа за добиените награди.
Анџелина Џоли и Били Боб Торнтон
Врската на Анџелина и Били слободно може да се нарече една од најлудите во Холивуд.
Иако беа во брак едвај 3 години, тие ја изјавија нивната љубов на секој можен начин – од носење шишенца со нивната крв, сè до тетовирање на нивните имиња.
И покрај сето лудило, тие успеаја да останат пријатели и после разводот. Всушност, Анџелина напиша и неколку страници од мемоарите на Били.
Џенифер Лопез и Марк Антони
Од трите бракови на Џенифер, оној со Марк траеше најдолго.
После 10 години заедно и после разводот, Џенифер сè уште го нарекува Марк нејзиниот најдобар пријател.
Орландо Блум и Миранда Кер
Парот се венчаше во 2010-та, а 3 години подоцна се разделија.
Сепак, неретко заедно се појавуваат во јавност, а ова неколкупати ги разгоре гласините дека можеби се повторно заедно, но сепак се работи само за гласини.
Хајди Клум и Сил
Иако се разведени, Хајди и Сил се добри пријатели. Одвреме-навреме одат на вечера, а Хајди дури и го покани Сил да биде судија во America’s Got Talent.