Сите славни се Илуминати, Џ. К. Роулинг не постои - Најинтересните теории на заговор од поп културата

Детали

четврток, 19 декември 2019

Колку и да звучат бизарно и смешно, теориите на заговор се секогаш забавни.

А, можеби она што најмногу нè тера да читаме за нив е тоа што одвреме-навреме, некои теории на заговор се покажуваат како вистинити.

На овие заговори не можат да им избегнат ни познатите, па денес постои верување дека Бијонсе ја лажирала бременоста, дека Аврил Лавињ била заменета со двојничка и дека Елвис е сè уште жив.

Во продолжение погледнете дел од најинтересните теории на заговор од поп културата:

Бијонсе ја лажирала првата бременост

После интервју за една австралиска телевизија, многу фанови почнаа да се сомневаат во бременоста на Бијонсе.

На снимката од интервјуто се гледа како трудничкото стомаче на пејачката се превиткува, исто како да е лажно. Па, ова ги натера фановите да поверуваат дека Бијонсе не била бремена, туку ја добила Блу Ајви од сурогат мајка.

Лорде е стара

Кратко по издавањето на хитот „Royals“ во 2013-та година, многу луѓе почнаа да зборуваат дека тогаш 17-годишната Лорде е всушност многу постара.

Оваа теорија на заговор инспирира и епизода од серијата „South Park“, но во 2014-та во јавноста се појави изводот на Лорде, кој потврдува дека таа е родена во 1996-та.

Кортни Лав го убила Курт Кобејн

20-години после самоубиството на Курт Кобејн, сѐ уште постои група луѓе кои се убедени дека фронтменот на Nirvana бил убиен од неговата сопруга.

Приватниот детектив Том Грант беше најмен од Кортни за да ја истражи смртта на Курт. Тој, пак, изјави дека Кортни напишала дел од писмото што го остави пејачот пред да си го одземе животот.

Елвис Присли е сè уште жив

Изгледа дека фановите на Елвис не можат да се помират со неговата смрт, па многумина се колнат дека го виделе жив.

Постои теорија дека Елвис си ја лажирал смртта и денес живее како Џон Буроус. Други, пак, веруваат дека денес тој е Џими Елис.

Покрај гласините, на интернет до денес се појавуваат фотографии на кои наводно се наоѓа живиот Елвис.

Тупак е сè уште жив

Тупак загина откако беше застрелан неколку пати во Лас Вегас. Но, изгледа не сите се согласуваат со ова. Наводно, многу луѓе го виделе Тупак и после 1996-та.

Дали Тупак живее во Куба и зошто лицето што ја правело аутопсијата внело погрешни бројки за висината и тежината на раперот се само дел од прашањата што си ги поставуваат луѓето кои веруваат дека Тупак е жив.

Принцот Хари не е син на Чарлс

Многумина веруваат дека таткото на Хари не е Чарлс, туку Џејмс Хјуит.

Во 1986-та, принцезата Дијана започна 5-годишна афера со Џејмс, нејзиниот инструктор по јавање. И двајцата ја признаа врската откако се разделија, а со ова почнаа заговорите дека Хари е син на Џејмс.

Продолжува на следната страна...