Што го прави еден брак успешен и среќен? 6 совети од 6 славни парови

Детали

недела, 15 декември 2019

Љубовта е загатка која е подеднакво тешко решлива како за „обичните смртници“, така и за светски познатите и популарните ѕвезди. 

Се чини дека понекогаш ниту парите ниту ѕвездениот статус не се доволни да ја одржат во живот, а огромниот број на разводи објаснува сосема доволно на оваа тема.

Сепак и во светот на успешните и славните постојат такви кои успеале да го зачуваат својот брак. Сосема очигледно е дека имаат некој мал рецепт за среќа.

Следните 6 славни парови ги споделуваат своите најдобри совети за успешен, долготраен брак:

Блејк Лајвли и Рајан Рејнолдс

Односот помеѓу Блејк и Рајан е „речиси пријателски“, тие си веруваат еден на друг, постојано се смеат и се забавуваат на свој начин.

„Можеме да разговараме покрај каминот со чај цела вечер. А тоа е вистинска, семејна среќа за мене“, изјавила Лајвли во едно интервју.

Совет на парот: „Големата љубов почнува со силно пријателство“.

Мишел и Барак Обама

Парот е во брак речиси 25 години. Во овој период сопружниците (нормално) неколку пати доживеале кризи, а понекогаш бракот бил пред целосен колапс.

Но, мудрата и упорна Мишел била онаа којашто секој пат ја спасувала врската. Според признанието на поранешната прва дама на САД особено многу ѝ помогнал психологот во врска со ова прашање.

Совет на парот: „Никогаш не си легнувајте доколку сте скарани“.

Џејда Пинкет и Вил Смит

Вил умее и самиот да се пошегува за тоа што е во брак со Џејда цели 20 години. Актерот е сигурен дека „навистина добриот секс“ им помогнал да ја зачуваат семејната идила, а „скромно“ изјавува дека е многу добар во кревет. Другиот негов совет се однесува на способноста за комуникација.

Совет на парот: „Многу разговараме. Некој ќе рече дека ова е дури премногу. Но, комуникацијата е сè во врската“.

Ливија и Колин Фирт

Британскиот оскаровец и неговата сопруга се заедно повеќе од 20 години. Ова е идеален брак: Колин дури ѝ го простил неверството на Ливија со еден фотограф, но тие и понатаму останале заедно, без оглед на сè.

Совет на парот: „Без разлика колку сте зафатени, секогаш најдете време еден за друг“.

Сара Џесика Паркер и Метју Бродерик

Сара и Метју се во брак повеќе од 20 години и заедно имаат 3 деца.

„Понекогаш ме нервира, но тоа ја прави нашата врска интересна. Сигурна сум дека и јас понекогаш го нервирам“, изјавила ѕвездата на „Сексот и градот“ во една прилика.

Сепак, таа споделува многу малку детали од нивната брачна заедница.

Совет на парот: „Никогаш не дозволувајте да ви се мешаат странци во врската“.

Дејвид и Викторија Бекам

Во 2019 година овој пар ја прослави својата 20-годишнина од бракот.

„Кога сте во брак, работите се усложнуваат. Бракот е навистина тешка работа“, изјавил Дејвид.

Но тие одлично се носат и со прекувремената работа, а Викторија го потврдува тоа: „Дејвид е мојата поддршка, ги делиме домашните обврски подеднакво. Кога патувам, тој ги носи децата на училиште и им ја подготвува храната“.

Совет на парот: „Децата се семеен приоритет, сè што правиме се врти околу нив“.

(О)Милена | Црнобело