Доналд и Меланија Трамп направија хорор верзија од Белата куќа и делеа чоколатца за Halloween (фото)

Детали

вторник, 29 октомври 2019

Во понеделникот вечерта, Доналд и Меланија Трамп ја обележаа Ноќта на вештерките во Белата куќа.

Претседателот и првата дама на САД не се маскираа, но дефинитивно им се допаднаа маските на децата што ги посетија.

Трамп го „одобри“ костимот на едно момче преправено во диносаурус, а поздрави и мало момче кое беше преправено како маринец.

Белата куќа беше украсена во духот на празникот, а декорациите навистина изгледаа одлично.

На скалилата од јужната страна беа поставени стотици тикви, а на столбовите имаше црни стебла, кои изгледаат како проколната шума.

Оркестарот, пак, изведуваше познати песни, вклучувајќи ги и оние од Хари Потер и Игра на тронови.

Давањето слатки на децата е долга традиција во Белата куќа. Првите прослави за Ноќта на вештерките во Белата куќа започнале во 1958-ма година, но семејството Никсон било првото што ги поканило и локалните деца на настанот.

Покрај слатките, за децата беа организирани и разни забавни активности – имаше скафандер од НАСА, како и трактор од Одделот за агрикултура. Децата можеа да ја разгледаат и претседателската лимузина, позната како The Beast (Ѕверот).

Погледнете како изгледаше целиот настан:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело