Ја победиле смртта - Славни личности кои преживеале сериозни операции

Детали

вторник, 03 септември 2019

Се соочиле со сериозна болест, отишле под нож и преживеале – кои славни личности храбро се бореле за својот живот и не попуштиле?

Додека едни размислуваат за тоа каква пластична операција да направат, други ѕвезди се бореле со сериозни здравствени проблеми и операциите не им биле толку несериозни.

Иако многумина мислат дека животот на славните е совршен и без никакви проблеми, сепак некои од нив се имаат соочено со сериозни здравствени проблеми и успеале да го избегнат најлошото.

Кои ѕвезди преживеале сериозни операции?

Селена Гомез

Таа неколку години пати од автоимуно заболување, а во 2017-та состојбата и се влоши до степен што мораше да направи трансплантација на бубрег. Таа го преживеа тешкиот период и компликациите и денес е во добра состојба.

Прочитајте повеќе Селена Гомез откри дека имала трансплантација на бубрег

Анџелина Џоли

Актерката превентивно направи двојна масектомија во 2015-та заради зголемен ризик од рак.

Џоли исто така ги има извадено и јајниците, а не жали за одлуката бидејќи смета дека тоа ѝ го спасило животот.

Серена Вилијамс

Тенисерката можела да помине многу полошо откако итно била испратена на операција кога ѝ било откриено затнување на артерија во белите дробови, но за среќа, сè поминало добро и нема никакви проблеми.

Емилија Кларк

Ѕвездата на Game of Thrones имала аневризам на мозокот и состојбата ѝ била многу сериозна, па била принудена да оди на комплицирана операција, по која дури не можела ниту да зборува. Две години подоцна, повторно се појавил на другата страна на мозокот и повторно била оперирана. Сега е добра, но мора да ја контролира ситуацијата.

Прочитајте повеќе Емилија Кларк со емотивна исповед за операцијата на мозок: „Им реков да ме остават да умрам“

Шерон Стоун

Актерката во 2003-та била примена во болница заради главоболка, но било откриено дека има внатрешно крварење во мозокот, па била испратена на операција, по што закрепнувала неколку недели.

М. М. | Црнобело