Емилија Кларк со емотивна исповед за операцијата на мозок: „Им реков да ме остават да умрам“

Детали

вторник, 09 април 2019

Актерката од Game of Thrones сподели фотки од болница кога била оперирана од аневризми на мозок поради што за малку ќе го загубела животот и открива дека кога се вратила на снимање мислела дека ќе умре во секој момент.

Емилија Кларк откри дека додека ја снимала првата сезона од Game of Thrones, на 22-годишна возраст таа била оперирана од два аневризми на мозок, а вториот бил толку сериозен што можела да го изгуби животот.

32-годишната актерка во едно интервју се потсети на тешките моменти низ кои поминала по операцијата и сподели фотки од болница направени за време на закрепнувањето.

Додека зборуваше и за последиците кои тоа ги оставило врз нејзиното ментално здравје, а не само физичкото откри:

„Првиот пат беше тешко, но со вториот многу ми беше потешко да останам оптимистична. Се справував со тоа од ден за ден. Поминував низ тежок, мрачен период.“

Емилија објасни дека вториот аневризам бил многу сериозен и дека дел од мозокот на момент „умрел“, па таа се потсети:

„Докторите буквално го гледаа мозокот и велеа – Па, мислиме дека би можело проблемот да биде со нејзината концентрација, можеби нејзиниот периферен вид... Јас секогаш велам дека бил мојот вкус за мажи.“ – се пошегува актерката и откри дека најмногу се плашела тоа да не влијае на способноста за глумење.  

Операцијата се случила по првата сезона од серијата, а таа открива како било да се врати на снимање и дека тоа „ја спасило“:

„Одиш на снимање и глумиш силен и дрзок лик, одиш низ оган и им зборуваш на стотици луѓе и бараат од тебе да го дадеш најдоброто од себе. И тоа е тоа што ме спаси од размислувањето на мојата смртност.“

Крвавењето во мозок е многу сериозно, а третина од пациентите не преживуваат, па таа ги споделува најтешките моменти:

„Во моите најлоши моменти, сакав да ставам крај. Им кажав на докторите да ме остават да умрам.“

Кога се вратила на снимање на серијата, таа се чувствувала изгубено и мислела дека во секој момент ќе умре.

Емилија Кларк со емотивна исповед за операцијата на мозок – „Им реков да ме остават да умрам“

Погледнете го целото интервју:

M. M. | Црнобело