Меган Маркл од првиот сопруг барала да потпише „договор за бременост“

Детали

вторник, 30 октомври 2018

За да остане во топ форма за градење на нејзината актерска кариера го терала да потпише дека ќе ѝ обезбеди тренер, нутриционист и дадилка.

Првиот брак на Меган Маркл ѝ беше со продуцентот Тревор Енгелсон. Таа барала тој да потпише т.н. „договор за бременост“, кој ќе ѝ ги даде сите услови да остане во топ форма, ако сака да му роди дете.

Актерката, која тогаш тргнала на патот кон славата, за да остане во форма достојна за позната личност барала Тревор да ѝ плати тренер, нутриционист и дадилка за време на бременоста и по породувањето.

Откритието доаѓа кратко откако Меган и принцот Хари објавија дека го очекуваат прво дете.

Договорите за бременост наводно биле многу популарни во Лос Анџелес, а Меган сакала на овој начин да не ја изгуби фигурата „потребна“ за светска слава. Секој пат кога ќе качела некој килограм многу се познавало на нејзиното лице и тоа не изгледало толку добро на камера.

Инаку, Меган стапила во брак со Енгелсон во 2011 година, но крајот на бракот дошол пред да се согласи Тревор на „договорот за бременост“.

Прочитајте и Детали од првата свадба на Меган Маркл: Свршенички прстен од платина, забава на Јамајка (фото)!

С. С. | Црнобело